ബാഴ്സലോണ: നോക്കിയയുടെ തിരിച്ച് വരവാണ് ടെക്ലോകത്തെ ഇപ്പോഴത്തെ പ്രധാന ചർച്ച വിഷയം. നോക്കിയ 6 എന്ന ഫോണിലൂടെ വരവറിയിച്ച നോക്കിയ വൈകാതെ തന്നെ മറ്റ് രണ്ട് ഫോണുകളും കൂടി പുറത്തിറക്കുമെന്നാണ് റിപ്പോർട്ടുകൾ. ഫെബ്രുവരി 26ന് ബാഴ്സലോണയിൽ നടക്കുന്ന മൊബൈൽ വേൾഡ് കോൺഗ്രസിലാവും പുതിയ ഫോണുകൾ പുറത്തിറക്കുക. നോക്കിയ 3,5 എന്നീ ഫോണുകളാവും കമ്പനി പുറത്തിറക്കുകയെന്നാണ് റിപ്പോർട്ടുകൾ. ഇതിനൊടപ്പം തന്നെ പഴയ പുലിയായ 3310വിനെ വീണ്ടും വിപണിയിലെത്തിക്കാനും കമ്പനിക്ക് പദ്ധതിയുണ്ട്.
ബജറ്റ് സ്മാർട്ട് ഫോൺ നിരയിൽ കണുവെച്ചാണ് നോക്കിയ 3,5 എന്നീ രണ്ട് മോഡലുകളെ അവതരിപ്പിക്കുന്നത്. 5.2 ഇഞ്ച് ഡിസ്പ്ലേയാവും നോക്കിയ 3ക്ക് ഉണ്ടാവുക. ആൻഡ്രോയിഡ് ന്യൂഗട്ടിലാവും പ്രവർത്തനം. 1.4 ജിഗാഹെഡ്സിെൻറ സ്നാപ്പ്ഡ്രാഗൺ പ്രൊസസറാവും ഫോണിന് കരുത്ത് പകരുക. രണ്ട് ജി.ബി റാം 32 ജി.ബി റോം എന്നിവയാണ് സ്റ്റോറേജ് സവിശേഷതകൾ. 13 മെഗാപിക്സലിെൻറ പിൻ കാമറയും 5 മെഗാപിക്സലിെൻറ മുൻ കാമറയുമാണ് ഫോണിനുണ്ടാവുക.
സമാനമായ ഫീച്ചറുകൾ തന്നെയാവും നോക്കിയ 5ക്കും ഉണ്ടാവുക എന്നാണ് റിപ്പോർട്ടുകൾ. എന്നാൽ കാമറയിലുൾപ്പടെയുള്ള കാര്യങ്ങളിൽ ചില മാറ്റങ്ങളും പ്രതീക്ഷിക്കുന്നു. 10,000ത്തിനു 15,000ത്തിനും ഇടയിലാവും ഇരു ഫോണുകളുടെയും വിലയെന്നാവും സൂചന. 4000 രൂപയായിരിക്കും 3310വിെൻറ വില.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.