ഐഫോണിൻെറ പുതിയ മോഡലുകളുടെ അവതരണം ആപ്പിൾ സെപ്തംബർ 10ന് നടത്തുമെന്ന് റിപ്പോർട്ട്. ഐഫോൺ XR, XS, XS മാക്സ് തു ടങ്ങിയ ഫോണുകളാണ് ആപ്പിൾ 2018ൽ അവതരിപ്പിച്ചത്. ഇതിൻെറ പിൻഗാമികളായിട്ട് ഐഫോൺ 11, ഐഫോൺ 11 പ്രോ, 11 പ്രോ മാക്സ് എന്നീ ഫോണുകളായിരിക്കും ആപ്പിൾ പുറത്തിറക്കുക. ഇന്ത്യ, ചൈന തുടങ്ങിയ രാജ്യങ്ങൾക്കായി വില കുറഞ്ഞ ഐഫോൺ മോഡൽ ആപ്പിൾ പുറത്തിറക്കുമെന്ന അഭ്യൂഹങ്ങളും വരുന്നുണ്ട്.
6.1 ഇഞ്ച്, 5.8 ഇഞ്ച്, 6.5 ഇഞ്ച് എന്നിങ്ങനെയായിരിക്കും മൂന്ന് ഫോണുകളുടെയും ഡിസ്പ്ലേ വലിപ്പം. ഐ.ഒ.എസ് 13 ആയിരിക്കും ഓപ്പറേറ്റിങ് സിസ്റ്റം. എ 13 ബയോനിക് ചിപ്പായിരിക്കും കരുത്ത് പകരുക. ഫോണിനെ കുറിച്ചുള്ള കൂടുതൽ വിവരങ്ങളൊന്നും ആപ്പിൾ ഇതുവരെ പുറത്ത് വിട്ടിട്ടില്ല.
ആപ്പിളിൻെറ പുതിയ ഓപ്പേററ്റിങ് സിസ്റ്റമായ ഐ.ഒ.എസ് 13ൻെറ ബീറ്റ വേർഷൻ കമ്പനി പുറത്തിറക്കിയിരുന്നു. ഇതിന് പിന്നാലെയാണ് പുതിയ ആപ്പിൾ ഫോണുകൾ എത്തുകയാണെന്ന അഭ്യൂഹങ്ങളും ശക്തമായത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.