പോക്കോ ബ്രാൻഡിന് കീഴിലുള്ള സ്മാർട്ട്ഫോൺ അവതരിപ്പിച്ചതിന് പിന്നാലെ റെഡ് മീ 6 സീരിസുമായി ഷവോമി. റെഡ് മീ6, 6 എ, 6 പ്രോ എന്നീ സ്മാർട്ട് ഫോണുകളാണ് ഷവോമി അവതരിപ്പിച്ചത്. ഡൽഹിയിൽ നടന്ന ചടങ്ങിലായിരുന്നു ഷവോമി ഫോണുകൾ പുറത്തിറക്കിയത്. കുറഞ്ഞ വിലക്ക് മികച്ച ഫീച്ചറുകൾ എന്ന ഷവോമിയുടെ പാരമ്പര്യം കൈവിടാതെയാണ് 6 സീരിസും എത്തുന്നത്.
റെഡ്മീ 6െൻറ രണ്ട് വേരിയൻറുകളാണ് ഷവോമി പുറത്തിറക്കിയത്. 3 ജി.ബി റാം 32 ജി.ബി സ്റ്റോറേജുമുള്ള വേരിയൻറിന് 7,999 രൂപയും 3 ജി.ബി റാം 64 ജി.ബി സ്റ്റോറേജുമുള്ള വേരിയൻറിന് 9499 രൂപയുമാണ് വില. സെപ്തംബർ 10 മുതൽ ഫ്ലിപ്കാർട്ട് വഴിയും എം.െഎ.കോം വഴിയും ഫോണിെൻറ വിൽപന ആരംഭിക്കും. ബജറ്റ് സ്മാർട്ട് ഫോൺ നിരയിലേക്കാണ് 6എയുടെ വരവ്. 2 ജി.ബി റാം 16 ജി.ബി സ്റ്റോറേജുമുള്ള മോഡലിന് 5999 രൂപയാണ് വില. 2 ജി.ബി റാം 32 ജി.ബി സ്റ്റോറേജുമുള്ള മോഡലിന് 6999 രൂപയും നൽകണം. ബുധനാഴ്ച പുറത്തിറക്കിയ സ്മാർട്ട്ഫോണുകളിൽ പ്രീമിയം ഫോൺ റെഡ് മീ 6 പ്രോയാണ്. ഫോണിെൻറ 3 ജി.ബി റാം 32 ജി.ബി സ്റ്റോറേജ് മോഡലിന് 10,999 രൂപയും 4 ജി.ബി റാം 64 ജി.ബി സ്റ്റോറേജ് മോഡലിന് 12,999 രൂപയും നൽകണം.
റെഡ് മീ 6
ആൻഡ്രോയിഡ് ഒാറിയോ അടിസ്ഥാനമാക്കിയ ഷവോമിയുടെ എം.െഎ.യു.െഎ 9.6 ഒാപ്പറേറ്റിങ് സിസ്റ്റമാണ് റെഡ് മീ 6ന്. 720x1440 പിക്സൽ റെസല്യുഷനിലുള്ള 5.45 ഇഞ്ച് എച്ച്.ഡി പ്ലസ് ഡിസ്പ്ലേയാണ് ഫോണിന് നൽകിയിരിക്കുന്നത്. മീഡിടെക്കിെൻറ ഹീലിയോയാണ് പ്രൊസസർ. 12, 5 മെഗാപിക്സലിെൻറ ഇരട്ട പിൻകാമറകളും 5 മെഗാപിക്സലിെൻറ മുൻ കാമറയും നൽകിയിട്ടുണ്ട്. ആർട്ടിഫിഷ്യൽ ഇൻറലിജൻസ് അടിസ്ഥാനമാക്കിയ ബ്യൂട്ടിഫിക്കേഷൻ സംവിധാനവും ഉൾപ്പെടുത്തിയിട്ടുണ്ട്. 4 ജി വോൾട്ട്, വൈ-ഫൈ 802.11, ബ്ലൂടുത്ത് 4.2, ജി.പി.എസ്/എ.ജി.പി.എസ്, മൈക്രോ യു.എസ്.ബി, 3.5 എം.എം ഹെഡ്ഫോൺ ജാക്ക് എന്നിവയാണ് മറ്റ് പ്രത്യേകതകൾ. സുരക്ഷക്കായി ഫിംഗർപ്രിൻറ് സെൻസറും ഉപയോഗിച്ചിരിക്കുന്നു. 3,000 എം.എ.എച്ചാണ് ബാറ്ററി
റെഡ് മീ 6 എ
എം.െഎ.യു.െഎ 9.6 കരുത്ത് പകരുന്ന ഫോണാണ് റെഡ് മീ 6എ. 720x1440 പിക്സൽ റെസലുഷനിലുള്ള 5.45 ഇഞ്ച് എച്ച്.ഡി പ്ലസ് ഡിസ്പ്ലേയാണ് ഫോണിന് നൽകിയിരിക്കുന്നത്. മീഡിയടെക് ഹീലിയോ a22 പ്രൊസസറാണ് കരുത്ത് പകരുന്നത്. 13 മെഗാപിക്ലിെൻറ പിൻ കാമറയും 5 മെഗാപിക്സലിെൻറ മുൻ കാമറയും ഫോണിനൊപ്പം ഉൾപ്പെടുത്തിയിട്ടുണ്ട്. 4 ജി വോൾട്ട്, ബ്ലൂടുത്ത് v4.2, വൈ-ഫൈ 802, ജി.പി.എസ്/എ ജി.പി.എസ് മൈക്രോ യു.എസ്.ബി എന്നിവയും ഉൾപ്പെടുത്തിയിട്ടുണ്ട്. 3000 എം.എ.എച്ച് ബാറ്ററിയാണ് ഫോണിൽ ഉൾപ്പെടുത്തിയിരിക്കുന്നത്.
റെഡ് മീ 6 പ്രോ
എം.െഎ.യു.െഎ 9.6 അടിസ്ഥാനമാക്കി പ്രവർത്തിക്കുന്ന ഫോൺ തന്നെയാണ് റെഡ് മീ 6 പ്രോയും. 720x1440 പിക്സൽ റെസലുഷനിലുള്ള 5.84 ഇഞ്ച് ഫുൾ എച്ച്.ഡി പ്ലസ് ഡിസ്പ്ലേ. ക്വാൽകോം സ്നാപ്ഡ്രാഗൺ 625 എസ്.ഒ.സി പ്രൊസസറാണ് ഫോണിന് കരുത്ത് പകരുന്നത്. 12,5 മെഗാപിക്ലുകളുടെ ഇരട്ട പിൻകാമറകളും 5 മെഗാപിക്സലിെൻറ മുൻ കാമറയും നൽകിയിട്ടുണ്ട്. ആർട്ടിഫിഷ്യൽ ഇൻറലിജൻസും കാമറകൾക്കൊപ്പം കൂട്ടിച്ചേർത്തിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.