വൈത്തിരി: വയനാട് ലക്കിടിയിലെ എൻ ഊര് ഗോത്ര പൈതൃക ഗ്രാമം കാണാനെത്തുന്നവർക്ക് ഇനി ഓൺലൈനിലും പ്രവേശന ടിക്കറ്റെടുക്കാം. എൻട്രി ടിക്കറ്റ് ബുക്കിങ് വെബ്സൈറ്റ് ഫെബ്രുവരി 20 മുതൽ പരീക്ഷണ അടിസ്ഥാനത്തിൽ പ്രവർത്തനം ആരംഭിക്കും.
ആദ്യഘട്ടത്തിൽ 1500 ടിക്കറ്റുകൾ മാത്രമായിരിക്കും പ്രതിദിനം ഓൺലൈൻ വഴി ബുക്ക് ചെയ്യാനുള്ള സൗകര്യം. ഫെബ്രുവരി 21 മുതലുള്ള ടിക്കറ്റുകൾ സന്ദർശകർക്ക് ബുക്ക് ചെയ്യാവുന്നതാണ്. 500 ടിക്കറ്റുകൾ എൻ ഊര് ഗോത്ര പൈതൃക ഗ്രാമം കൗണ്ടർ മുഖേന സന്ദർശകർക്ക് ഓഫ്‌ലൈൻ ആയും ലഭ്യമാകുന്നതാണ്.
നിലവിൽ പ്രതിദിനം 2000 ആളുകളെ മാത്രമാണ് കേന്ദ്രത്തിലേക്ക് പ്രവേശിപ്പിക്കുന്നത്. ഈ നിയന്ത്രണം തുടരുംമ. ബുക്കിങ് വെബ്സൈറ്റ് സംബന്ധിച്ച വിശദ വിവരങ്ങൾ തുടർദിവസങ്ങളിൽ വിവിധ മാധ്യമങ്ങളിലൂടെ അറിയിക്കുമെന്ന് ബന്ധപ്പെട്ടവർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.