ബംഗളൂരു: കുംഭമേളയിലേക്ക് സന്ദർശക തിരക്ക് പരിഗണിച്ച് ദക്ഷിണ പശ്ചിമ റെയിൽവേ സ്പെഷൽ ട്രെയിൻ പ്രഖ്യാപിച്ചു. മൈസൂരു -ദാനാപുർ എക്സ്പ്രസ് (06207), ദാനാപുർ -മൈസൂരു എക്സ്പ്രസ് (06208) എന്നീ ട്രെയിനുകളാണ് പ്രഖ്യാപിച്ചത്. മൂന്നു വീതം ട്രിപ്പുകളാണുണ്ടാവുക.
ജനുവരി 18, ഫെബ്രുവരി 15, മാർച്ച് ഒന്ന് തീയതികളിൽ വൈകീട്ട് 4.30ന് മൈസൂരുവിൽനിന്ന് പുറപ്പെടുന്ന മൈസൂരു -ദാനാപുർ എക്സ്പ്രസ് (06207) ചൊവ്വാഴ്ച രാവിലെ 10ന് ദാനാപൂരിലെത്തും. ജനുവരി 22, ഫെബ്രുവരി 19, മാർച്ച് അഞ്ച് തീയതികളിൽ പുലർച്ച 1.45ന് ദാനാപുരിൽനിന്ന് പുറപ്പെടുന്ന ദാനാപുർ -മൈസൂരു എക്സ്പ്രസ് (06208) വെള്ളിയാഴ്ച വൈകീട്ട് മൂന്നിന് മൈസൂരുവിലെത്തിച്ചേരും.
കർണാടകയിൽ മാണ്ഡ്യ, മദ്ദുർ, കെങ്കേരി, കെ.എസ്.ആർ ബംഗളൂരു, യശ്വന്ത്പുർ, തുമകൂരു, അരസിക്കരെ, ചിക്കജാലൂർ, ചിത്രദുർഗ, രായദുർഗ, ബെള്ളാരി, ഹൊസപേട്ട്, കൊപ്പാൽ, ഗദക്, ഹുബ്ബള്ളി, ബദാമി, ബാഗൽകോട്ട്, വിജയപുര എന്നീ സ്റ്റേഷനുകളിൽ സ്റ്റോപ്പുണ്ടാകും. 12 എ.സി ത്രീ ടയർ, ആറ് സെക്കൻഡ് ക്ലാസ് സ്ലീപ്പർ കോച്ച്, രണ്ട് ജനറൽ കോച്ച് എന്നിവയുണ്ടാകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.