ഇന്ത്യൻ സഞ്ചാരികൾ ഈ വർഷം കൂടുതൽ പോകാൻ ആഗ്രഹിക്കുന്ന മൂന്ന്​ രാജ്യങ്ങൾ ഇവയാണ്​

കോവിഡ്​ പ്രതിസന്ധി അനന്തമായി നീളു​​േമ്പാഴും ഇന്ത്യൻ സഞ്ചാരികൾ പുതിയ ലക്ഷ്യസ്​ഥാനങ്ങൾ തിരയുന്ന തിരക്കിലാണ്​​. കഴിഞ്ഞവർഷം പൂർണമായും യാത്രകൾ മുടങ്ങിയെങ്കിൽ ഇത്തവണ അതിന്‍റെ ക്ഷീണം തീർക്കുന്ന തിരക്കിലാണ്​ പലരും. വാക്​സിനുകൾ ലഭ്യമാവുകയും അന്താരാഷ്​ട്ര അതിർത്തികൾ തുറക്കുകയും ചെയ്​തതോടെ യാത്രകൾ വീണ്ടും വർധിച്ചു.

പ്രമുഖ ഡിജിറ്റൽ ട്രാവൽ കമ്പനിയായ booking.com പുറത്തുവിട്ട കണക്കുകൾ പ്രകാരം 2021 ആഗസ്റ്റിൽ യാത്ര പോകാൻ ഇന്ത്യക്കാർ ഏറ്റവുമധികം തിരഞ്ഞ ആദ്യ മൂന്ന്​ രാജ്യങ്ങൾ യു.എസ്​.എ, റഷ്യ, മാലിദ്വീപ്​ എന്നിവയാണ്​. വാക്​സിൻ എടുക്കാത്തവർക്കും വരാമെന്നതാണ്​ റഷ്യയെ ജനപ്രിയമാക്കുന്നത്​.

ആഭ്യന്തര ഡെസ്റ്റിനേഷനുകളിൽ മെട്രോ സിറ്റികളാണ്​ മുന്നിലുള്ളത്​. ന്യൂഡൽഹി ഒന്നാം സ്ഥാനം നേടിയപ്പോൾ മുംബൈ രണ്ടാമതുണ്ട്​. 52 ശതമാനം പേരും ആഭ്യന്തര യാത്രകൾ പോകാനാണ്​ ലക്ഷ്യമിടുന്നത്​. കൂടാതെ ആരോഗ്യത്തിനും സുരക്ഷക്കും ഇവർ മുൻഗണന നൽകുന്നു. താമസസ്​ഥലത്തെ ശുചിത്വമാണ്​ പലരും പ്രധാനമായും നോക്കുന്നത്​.

ആഗസ്റ്റിൽ ഏറ്റവും കൂടുതൽ തിരഞ്ഞ അന്താരാഷ്​ട്ര ലക്ഷ്യസ്ഥാനങ്ങൾ:

1. യു.എസ്​.എ

2. റഷ്യ

3. മാലിദ്വീപ്​

4. സ്വിറ്റ്​സർലാൻഡ്​

5. ഖത്തർ

6. കാനഡ

7. യു.കെ

8. മെക്​സികോ

9. അർമീനിയ

10. ഫ്രാൻസ്​

ആഭ്യന്തര ലക്ഷ്യസ്​ഥാനങ്ങൾ:

1. ന്യൂഡൽഹി

2. മുംബൈ

3. ലോണവാല

4. ബംഗളൂരു

5. ചെന്നൈ

6. കൊൽക്കത്ത

7. ജയ്​പുർ

8. ഹൈദരാബാദ്​

9. ലേ

10. ഉദയ്​പുർ.