ആ​മി​ൽ പ്രോ​ഗ്രാം​സ്

ആ​മി​ൽ നാ​സ​ർ എ. ​കോ​ഴി​ക്കോ​ട് മെ​ഡി​ക്ക​ൽ കോ​ള​ജ് കാ​മ്പ​സ് ഹൈ​സ്കൂ​ളി​ലെ പ​ത്താം ക്ലാ​സ് വി​ദ്യാ​ർ​ഥി. പ​ഠി​ക്കു​ന്ന സ്കൂ​ളി​ന്റെ വെ​ബ്സൈ​റ്റ് ഉ​ൾ​പ്പെ​ടെ വെ​ബ്സൈ​റ്റ് ഡി​സൈ​നി​ങ്ങി​ൽ താ​ര​മാ​വു​ക​യാ​ണ് ഈ ​മി​ടു​ക്ക​ൻ. വെ​ബ് പേ​ജ് ഡി​സൈ​നി​ങ്ങി​ൽ മൂ​ന്നു​വ​ർ​ഷം തു​ട​ർ​ച്ച​യാ​യി സം​സ്ഥാ​ന​ത​ല​ത്തി​ൽ എ ​ഗ്രേ​ഡ് നേ​ടി​യ ആ​മി​ൽ ഇ​തി​നകം സോ​ഷ്യ​ൽ മീ​ഡി​യ പ്ലാ​റ്റ്ഫോ​മു​ക​ളി​ല​ട​ക്കം ശ്ര​ദ്ധ​നേ​ടി​ക്ക​ഴി​ഞ്ഞു. ത​ന്റെ വെ​ബ്സൈ​റ്റി​നെ​ക്കു​റി​ച്ചും അ​തി​ന്റെ ത​യാ​റെ​ടു​പ്പു​ക​ളെ​ക്കു​റി​ച്ചും ആ​മി​ൽ പ​റ​യു​ന്നു.

ടൈ​പ്പി​ങ് ടു ​വെബ് പേ​ജ്

സ​ഹോ​ദ​ര​ൻ വെബ് പേ​ജ് ഡി​സൈ​നി​ങ് ചെ​യ്തി​രു​ന്നു. അ​ങ്ങ​നെ​യാ​ണ് ഇ​ത് പ​ഠി​ക്കാ​ൻ ആ​ഗ്ര​ഹം വ​രു​ന്ന​ത്. പ്രോ​ഗ്രാ​മി​ങ്ങി​ൽ നേ​ര​ത്തേ താ​ൽ​പര്യ​മു​ണ്ടാ​യി​രു​ന്നു. കോ​വി​ഡ് കാ​ല​ത്ത് പ്രി​സം പ​ദ്ധ​തി​യു​ടെ ഭാ​ഗ​മാ​യി സ്കൂ​ളി​ലെ തി​ര​ഞ്ഞെ​ടു​ക്ക​പ്പെ​ട്ട കു​ട്ടി​ക​ൾ​ക്ക് ഓ​ൺ​ലൈ​നാ​യി ട്രെ​യി​നി​ങ് ന​ൽ​കി​യി​രു​ന്നു. 200 കു​ട്ടി​ക​ൾ പ​ങ്കെ​ടു​ത്ത​തി​ൽ 20 പേ​രെ​യാ​ണ് തി​ര​ഞ്ഞെ​ടു​ത്ത​ത്. അ​ഞ്ചാം ക്ലാ​സ് മു​ത​ൽ ഏ​ഴു വ​രെ മ​ല​യാ​ളം ടൈ​പ്പി​ങ്ങാ​യി​രു​ന്നു ചെ​യ്തി​രു​ന്ന​ത്. എ​ട്ടി​ൽ എ​ത്തി​യ​പ്പോ​ൾ വെബ് പേ​ജ് ഡി​സൈ​നി​ങ്ങി​ലേ​ക്ക് മാ​റി. ആ ​വ​ർ​ഷം സം​സ്ഥാ​ന​ത​ല​ത്തി​ൽ ഫ​സ്റ്റ് കി​ട്ടി. തു​ട​ക്ക​ത്തി​ൽ അ​വ​ർ ക​ണ്ട​ന്‍റ് ത​രു​മാ​യി​രു​ന്നു. അ​ത് കോ​പ്പി പേ​സ്റ്റ് ചെ​യ്താ​ൽ മ​തി​യാ​യി​രു​ന്നു. ജി​ല്ല വ​രെ അ​ങ്ങ​നെ​യാ​യി​രു​ന്നു മ​ത്സ​ര​ങ്ങ​ൾ. മ​ത്സ​ര​ത്തി​നു​ള്ള കോ​ഡ് പ​ത്തി​രു​പ​ത് പേ​ജ് ഉ​ണ്ടാ​വും. അ​ത് മു​ഴു​വ​ൻ മ​ന​ഃപാ​ഠ​മാ​ക്കാ​ൻ പ​റ്റി​ല്ല. എ​ന്നാ​ൽ തു​ട​ർ​ച്ച​യാ​യ പ്രാ​ക്ടിസ് കൊ​ണ്ട് 40 മി​നി​റ്റി​ൽ ചെ​യ്തു​തീ​ർ​ക്കാ​വു​ന്ന രൂ​പ​ത്തി​ലെ​ത്തി. താ​ൽ​പ​ര്യമി​ല്ലെ​ങ്കി​ൽ പ്രോ​ഗ്രാ​മി​ങ് അ​ത്ര എ​ളു​പ്പ​മു​ള്ള കാ​ര്യ​മ​ല്ലെ​ന്ന് ആ​മി​ൽ പ​റ​യു​ന്നു.

അ​ർ​ജു​ൻ സാ​റി​ന്റെ പ്രി​യ ശി​ഷ്യ​ൻ

കോ​വി​ഡ് കാ​ല​ത്ത് അ​ർ​ജു​ൻ സാ​റാ​ണ് പ​ഠി​പ്പി​ച്ചി​രു​ന്ന​ത്. എ​ന്നെ മോ​ൾ​ഡ് ചെ​യ്തെ​ടു​ത്ത​തും സാ​റാ​ണ്. പി​ന്നെ പൈ​ത്ത​ൺ പ്രോ​ഗ്രാ​മി​ങ് പ​ഠി​ച്ചു. യൂ​ട്യൂബ് ക്ലാ​സ് ക​ണ്ടാ​യി​രു​ന്നു പ​ഠ​നം. പൈ​ത്ത​ൺ ഇ​ഷ്ട​മാ​യ​തി​നാ​ൽ കൂ​ടു​ത​ൽ പ​ഠി​ക്കാ​ൻ തു​ട​ങ്ങി. ഓ​രോ ദി​വ​സ​വും അ​ന്ന​ന്ന് പ​ഠി​പ്പി​ച്ച കാ​ര്യ​ങ്ങ​ൾ വെ​ച്ച് പ്രോ​ജ​ക്ട് ചെ​യ്യാ​നു​ണ്ടാ​വും. ആ​ദ്യ​മൊ​ക്കെ പ്രോ​ഗ്രാ​മു​ക​ൾ മ​ന​ഃപാ​ഠ​മാ​ക്കി​യാ​ണ് ചെ​യ്തി​രു​ന്ന​ത്. ന​ല്ലൊ​രു വെ​ബ്സൈ​റ്റ് എ​ടു​ത്ത് അ​തി​ന്‍റെ കോ​ഡു​ക​ൾ പ​ഠി​ക്കും. അ​ർ​ജു​ൻ സാ​റി​ന്റെ പേ​ഴ്സ​ന​ൽ വെ​ബ്സൈ​റ്റും ഞാ​നാ​ണ് ത​യാ​റാ​ക്കി​യ​ത്. കൂ​ടു​ത​ൽ പ​ഠി​ച്ച് ഒ​രു വെ​ബ്സൈ​റ്റ് ഡെ​വ​ല​പ്പ​ർ ആ​ക​ണം എ​ന്നാ​ണ് ആ​ഗ്ര​ഹം.

സ്കൂ​ളി​നൊ​രു വെ​ബ്സൈ​റ്റ്

വെ​ബ് പേ​ജ് ഡി​സൈ​നി​ങ്ങി​ൽ തു​ട​ർ​ച്ച​യാ​യി സം​സ്ഥാ​ന​ത​ല​ത്തി​ൽ വി​ജ​യി​ക്കാ​നാ​യ​ത് ആ​മി​ലി​ന് കൂ​ടു​ത​ൽ പ്ര​ചോ​ദ​ന​മാ​യി. സ്വ​ന്തം വി​ദ്യാ​ല​യ​മാ​യ കോ​ഴി​ക്കോ​ട് മെ​ഡി​ക്ക​ൽ കോ​ള​ജ് കാ​മ്പ​സ് ഹൈ​സ്കൂ​ളി​ന്റെ ഔ​ദ്യോ​ഗി​ക വെ​ബ്സൈ​റ്റ് ഡി​സൈ​ൻ ചെ​യ്ത​തും ഹോ​സ്റ്റ് ചെ​യ്ത​തും ആ​മി​ലാ​ണ്. ടീ​ച്ച​ർ​മാ​രും സ്കൂ​ളി​ന്റെ ച​രി​ത്ര​വും മ​റ്റ് പ്ര​വ​ർ​ത്ത​ന​ങ്ങ​ളും ഉ​ൾ​പ്പെ​ടു​ത്തി​യാ​ണ് വെ​ബ്സൈ​റ്റ് നി​ർ​മി​ച്ച​ത്. ഒ​മ്പ​താം ക്ലാ​സി​ൽ പ​ഠി​ക്കു​മ്പോ​ഴാ​ണ് സ്കൂ​ൾ വെ​ബ്സൈ​റ്റ് ത​യാ​റാ​ക്കി​യ​ത്. വി​ദ്യാ​ഭ്യാ​സ​മ​ന്ത്രി വി. ​ശി​വ​ൻ​കു​ട്ടി​യാ​ണ് വെ​ബ്സൈ​റ്റ് ലോ​ഞ്ച് ചെ​യ്ത​ത്.

പ​ഠി​ച്ചെ​ടു​ത്താ​ൽ എ​ളു​പ്പം

വെ​ബ്സൈ​റ്റു​ക​ൾ ആ​ളു​ക​ളു​ടെ ദൈ​നം​ദി​ന ജീ​വി​ത​ത്തി​ന്റെ ഭാ​ഗ​മാ​യി​ട്ടു​ണ്ട്. ഏ​റ്റ​വും ബേ​സി​ക് ആ​ണ് വെ​ബ്സൈ​റ്റ് ഡി​സൈ​നി​ങ്. അ​ത് ക​ഴി​ഞ്ഞാ​ൽ വെ​ബ്സൈ​റ്റ് ഹോ​സ്റ്റ് ചെ​യ്യ​ണം. HTML, CSS ഉ​പ​യോ​ഗി​ച്ചാ​ണ് പ്ര​ധാ​ന​മാ​യും വെ​ബ്സൈ​റ്റ് ക്രി​യേ​റ്റ് ചെ​യ്യു​ന്ന​ത്. വെ​ബ്സൈ​റ്റി​ൽ കൊ​ടു​ക്കു​ന്ന ക​ണ്ട​ന്റു​ക​ളും ടാ​ഗു​ക​ളു​മാ​ണ് HTML​ൽ ഉ​ൾ​പ്പെ​ടു​ന്ന​ത്. വെ​ബ്സൈ​റ്റി​ന് ക​ള​ർ കൊ​ടു​ക്കാ​നും എ​ഫ​ക്ട് കൊ​ടു​ക്കാ​നു​മാ​ണ് CSS ഉ​പ​യോ​ഗി​ക്കു​ന്ന​ത്. ഡി​സൈ​ൻ അ​റി​യ​ണ​മെ​ങ്കി​ൽ കൂ​ടു​ത​ൽ കോ​ഡു​ക​ൾ അ​റി​ഞ്ഞി​രി​ക്ക​ണം. ആ​ളു​ക​ൾ കാ​ണു​ന്ന ഫ്ര​ണ്ട് എ​ൻ​ഡ് ഡെ​വ​ല​പ്പി​ങ്ങാ​ണ് ഞാ​ൻ ചെ​യ്യു​ന്ന​ത്. വെബ് പേ​ജ്-​ബ​ട്ട​ണു​ക​ൾ, വി​വ​ര​ങ്ങ​ൾ, ചി​ത്ര​ങ്ങ​ൾ, നി​റ​ങ്ങ​ൾ, ആ​നി​മേ​ഷ​നു​ക​ൾ എ​ന്നി​ങ്ങ​നെ നി​ങ്ങ​ൾ കാ​ണു​ന്ന​തെ​ല്ലാം വെ​ബ്സൈ​റ്റി​ൽ ക്ര​മീ​ക​രി​ക്കു​ന്ന​താ​ണ് ഫ്ര​ണ്ട് എ​ൻ​ഡ് ഡെ​വ​ല​പ്പി​ങ്.

ഫോ​ണ്ടു​ക​ളും ക​ള​ർ കോ​ഡു​ക​ളും ഉ​പ​യോ​ഗി​ച്ച് വെ​ബ്സൈ​റ്റ് എ​ത്ര​ത്തോ​ളം ആ​ക​ർ​ഷ​ക​മാ​ക്കു​ന്നോ അ​ത്ര​ത്തോ​ളം യൂ​സേ​ഴ്സും കൂ​ടു​മെ​ന്ന് ആ​മി​ൽ പ​റ​യു​ന്നു. എ​ത്ര​ത്തോ​ളം യൂ​സ​ർ ഫ്ര​ൻഡ്‍ലി ആ​ക്കു​ന്നു എ​ന്ന​തി​ലാ​ണ് ഡി​സൈ​ന​റു​ടെ സ്കി​ൽ. വെ​ബ് പേ​ജ് ഡി​സൈ​നി​ങ്ങി​ൽ നി​ര​വ​ധി അ​വ​സ​ര​ങ്ങ​ൾ ആ​മി​ലി​ന് വ​ന്നു​കൊ​ണ്ടി​രി​ക്കു​ന്നു​ണ്ട്. പ​ത്താം ക്ലാ​സ് ആ​യ​തു​കൊ​ണ്ട് ത​ൽ​ക്കാ​ലം ഒ​ന്ന് മാ​റി​നി​ൽ​ക്കു​ന്നു എ​ന്നുമാ​ത്രം.