വിഷമില്ലാത്ത പച്ചക്കറിക്കൊപ്പം സന്തോഷവും തരും അടുക്കളത്തോട്ടം

ഷബീർ അഹമ്മ്ദ് കെ.എ

വലിയ കൃഷിയിടമൊന്നുമില്ലെങ്കിലും ഉള്ള സ്​ഥലത്ത് കുറച്ച് പച്ചക്കറികൾ നടാം. ഏറെ മുതൽമുടക്കില്ലാതെ വിഷമുക്തമായ പച്ചക്കറികൾ കൃഷി ​െചയ്യാം. ഒപ്പം വാഴ ഉൾപ്പെടെ പഴവർഗങ്ങളും കൃഷിചെയ്യാം. ഈ പുതുവർഷത്തിൽ തുടക്കംകുറിക്കാം. വീട്ടിലെ എല്ലാ അംഗങ്ങളുടെയും ഒത്തൊരുമ, സന്തോഷം എന്നിവ കൂടുന്നത്​ കണ്ടറിയാം.

മടിച്ചുനിൽക്കേണ്ട

വെള്ളവും വെളിച്ചവുമുള്ള കൃഷിയിടങ്ങൾ തരിശിടാതെ ചെറിയ അടുക്കളത്തോട്ടം ഒരുക്കി കോവിഡ്​ കാലത്ത്​ പലരും മാതൃക കാട്ടി. എല്ലായിടത്തും കൃഷി, എല്ലാവരും കൃഷിക്കാർ ഇതാവ​ട്ടെ പുതുവർഷ ലക്ഷ്യം. സ്വന്തമായി കൃഷിക്ക്​ സാധിക്കുന്നില്ലെങ്കിൽ കൂട്ടായ്മകൾ ഉണ്ടാക്കിയും സമയമില്ലെങ്കിൽ അവധിദിവസം എല്ലാവരും ചേർന്നും ശ്രമിച്ചുനോക്കാം. എല്ലാവർക്കും ജൈവകൃഷി ചെയ്യാനുള്ള സാഹചര്യം ഇന്നുണ്ട്. പ്രകൃതിജന്യ വസ്​തുക്കളുപയോഗിച്ച് മികച്ച രീതിയിൽ കൃഷിചെയ്യുന്ന നിരവധി മാതൃകകൾ കേരളത്തിലുണ്ട്.

സമ്പൂർണ ലോക്ഡൗൺ കാലത്ത് സമൂഹമാധ്യമത്തിൽകൂടിയാണ്​ ആളുകൾ കൃഷി പഠിച്ചത്​. പല യൂട്യൂബ് ചാനലുകളും മികച്ച വരുമാനമുണ്ടാക്കി. കൃഷിക്കുള്ള സാമ്പത്തിക സാങ്കേതിക ഉപദേശ നിർദേശങ്ങളുമായി സംസ്​ഥാന കൃഷിവകുപ്പും കർഷകരും വിവിധ കാർഷിക മാധ്യമങ്ങളും അവസരമൊരുക്കുന്നു. പ്രകൃതിസൗഹൃദ കൃഷിയിലൂടെ നാടൻ ഉൽപന്നങ്ങളിലൂടെ ആദായം മാത്രമല്ല ആരോഗ്യവും തരും. സംസ്​ഥാന സർക്കാറി​െൻറ സുഭിക്ഷ കേരളം പദ്ധതിയിൽ കുറേയധികം തരിശുഭൂമി പച്ചപ്പണിഞ്ഞു. പരമാവധി നെൽപ്പാടങ്ങൾ പരിവർത്തനം ചെയ്യാതെ ഒരു പ്രദേശത്തിന് ആവശ്യമായ അരി ചെറിയതോതിൽ പ്രാദേശികമായി ഉൽപാദിപ്പിക്കാം.

എല്ലാം അടുത്തുണ്ട്​

തരിശായ സ്​ഥലങ്ങൾ കണ്ടെത്തി പച്ചക്കറി, വാഴ, നെൽകൃഷികൾ ആരംഭിക്കാം. ഗുണമേന്മയുള്ള പച്ചക്കറിവിത്തുകൾ അംഗീകൃത സ്​ഥാപനങ്ങളിൽനിന്ന്​ വാങ്ങാം. അല്ലെങ്കിൽ കൃഷി വകുപ്പ്​ ​െതെ ഉൽപാദന കേന്ദ്രങ്ങളിൽനിന്ന്​ മുളപ്പിച്ച തൈകൾ വാങ്ങി കൃഷി ആരംഭിക്കാം. കൂടാതെ പച്ചക്കറിക്കുള്ള ധനസഹായം, കൂടുതൽ മാർഗനിർദേശങ്ങൾ എന്നിവക്ക്​ തൊട്ടടുത്തുള്ള കൃഷിഭവനുമായി ബന്ധപ്പെടാം.

വെള്ളം കെട്ടിനിൽക്കാത്ത, നന്നായി സൂര്യപ്രകാശമേൽക്കുന്ന സ്​ഥലം വേണം കൃഷിക്കായി തിരഞ്ഞെടുക്കാൻ. ചാണകപ്പൊടി, ആട്ടിൻകാഷ്ഠം, മണ്ണിരക്കമ്പോസ്​റ്റ്​, വേപ്പിൻപിണ്ണാക്ക്, കടലപ്പിണ്ണാക്ക് തുടങ്ങിയ ജൈവവളങ്ങൾ ഒരുക്കിവെക്കാം. സ്​ഥലമില്ലെങ്കിൽ േഗ്രാബാഗ്, കട്ടിയുള്ള പ്ലാസ്​റ്റിക് കവർ, സിമൻറ് ചട്ടി, ഉപയോഗശൂന്യമായ വലിയ പാത്രങ്ങൾ, പെയിൻറ് ബക്കറ്റ്, ടയറി​െൻറ ഭാഗം തുടങ്ങിയവ ഉപയോഗപ്പെടുത്താം. കൃഷിയിറക്കുന്നതിനു മുമ്പായി കാടും പുല്ലും വെട്ടിമാറ്റി കല്ലും കട്ടയും നിരപ്പാക്കി മണ്ണിലെ പുളിരസം മാറ്റാൻ കുമ്മായമോ ഡോളമൈറ്റോ ചേർക്കണം. പയർ, പാവൽ, പടവലം, കോവൽ തുടങ്ങിയവക്ക്​ പന്തൽ ഒരുക്കണം. 

ജൈവരീതികൾ

രോഗകീടങ്ങൾക്കെതിരെയും ചെടികൾ പുഷ്​ടിയോടെ വളരാനും കൂടുതൽ ഉൽപാദനത്തിനും ജൈവരീതികൾ പിന്തുടരാം. പച്ചക്കറി നന്നായി വളർന്ന് മികച്ച ഉൽപാദനം കിട്ടണമെങ്കിൽ ആവശ്യമനുസരിച്ച് അടിവളവും മേൽവളവും അത്യാവശ്യമാണ്. മണ്ണി​െൻറ വളക്കൂറ് കൂട്ടിയാൽ മാത്രമേ മികച്ച വിളവ്​ ലഭിക്കൂ. പച്ചിലവളങ്ങൾ, കമ്പോസ്​റ്റ്​, കാലിവളം എല്ലുപൊടി, വിവിധതരം പിണ്ണാക്കുകൾ ഉപയോഗിക്കാം.

ഉണക്കിപ്പൊടിച്ച ചാണകം അടിവളമായി കൊടുക്കണം. കൂടാതെ, 10 ലിറ്റർ വെള്ളത്തിൽ ഒരു കിലോ പച്ചച്ചാണകം നന്നായി ഇളക്കി ലയിപ്പിച്ച് തെളിയൂറ്റി അരിച്ചെടുത്ത് ചെടിയുടെ തടങ്ങളിലും ഇലകളിലും തളിക്കണം.

ജൈവവളങ്ങൾ കൂടാതെ ജൈവ സ്ലറിയും മത്തി-ശർക്കര മിശ്രിതവും പഞ്ചഗവ്യവും എളുപ്പത്തിലും കുറഞ്ഞ ചെലവിലും തയാറാക്കി പച്ചക്കറികൃഷിയിൽ ഉപയോഗപ്പെടുത്താം. ജൈവനിയന്ത്രണമാർഗങ്ങളായി പ്രചാരം നേടിയ ൈട്രക്കോഡെർമ എന്ന മിത്രകുമിളും സ്യൂഡോമോണാസ്​ എന്ന മിത്ര ബാക്ടീരിയയും കേരള കാർഷിക സർവകലാശാല, കൃഷി വിജ്​ഞാന കേന്ദ്രങ്ങൾ, കൃഷിവകുപ്പി​െൻറതന്നെ അഗ്രോ സർവിസ്​ സെൻറർ, ഇക്കോ ഷോപ്പ് എന്നിവിടങ്ങളിൽ ലഭ്യമാണ്. അതി​െൻറ ഉപയോഗക്രമം, കാലാവധി എന്നിവ പാക്കറ്റിലുണ്ട്.