ന്യൂഡൽഹി: കോവിഡ് 19 വൈറസ് മൂലമുണ്ടായ പ്രതിസന്ധി മറികടക്കാനായി കേന്ദ്രസർക്കാറിൻെറ അവസാന സാമ്പത്തിക പാക്കേജ് സെപ്റ്റംബർ അല്ലെങ്കിൽ ഒക്ടോബറിൽ പ്രഖ്യാപിക്കുമെന്ന് ആർ.ബി.ഐ ഡയറക്ടർ എസ്.ഗുരുമൂർത്തി.
ഭാരത് ചേംബർ ഓഫ് കൊമേഴ്സ് സംഘടിപ്പിച്ച വെബിനാറിലാണ് ഗുരുമൂർത്തിയുടെ പരമാർശം. കേന്ദ്രസർക്കാറിൻെറ 20 ലക്ഷം കോടിയുടെ പാക്കേജ് ഇടക്കാല ആശ്വാസം മാത്രമാണ്. സമ്പൂർണ്ണ പാക്കേജ് സെപ്റ്റംബറിലോ ഒക്ടോബറിലോ ഉണ്ടാവുമെന്നും അദ്ദേഹം വ്യക്തമാക്കി.
യൂറോപ്പിൽ നിന്നും യു.എസിൽ നിന്നും വ്യത്യസ്തമായ പാക്കേജാണ് ഇന്ത്യ അവതരിപ്പിക്കുക. പണം കൂടുതൽ അച്ചടിക്കുന്നതിനാണ് ഈ രാജ്യങ്ങൾ പ്രാധാന്യം നൽകുന്നത്. എന്നാൽ, ഇന്ത്യക്ക് ഇത് സാധ്യമാവില്ലെന്നും അദ്ദേഹം പറഞ്ഞു.
ഇന്ത്യ ബഹുമുഖമായ പ്രതിസന്ധിയേയാണ് അഭിമുഖീകരിക്കുന്നത്. 16,000 കോടി രൂപ കേന്ദ്രസർക്കാർ ജൻ ധൻ ബാങ്ക് അക്കൗണ്ടുകളിൽ നിക്ഷേപിച്ചിട്ടുണ്ട്. എന്നാൽ, ഇതിൽ വളരെ കുറഞ്ഞ തുക മാത്രമാണ് പിൻവലിക്കപ്പെട്ടത്. ഇത് പ്രതിസന്ധിയുടെ ആഴം വ്യക്തമാക്കുന്നുണ്ടെന്നും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.