ന്യൂഡൽഹി: രാജ്യത്ത് വാണിജ്യ പാചകവാതക സിലിണ്ടറിന്റെ വില കുറച്ചു. സിലിണ്ടറൊന്നിന് 83.5 രൂപയാണ് കുറച്ചത്. അതേസമയം, വീടുകളിൽ ഉപയോഗിക്കുന്ന 14.2 കിലോ ഗ്രാം ഭാരമുള്ള ഗാർഹിക സിലിണ്ടറിന്റെ വിലയിൽ കമ്പനികൾ മാറ്റം വരുത്തിയിട്ടില്ല.
വാണിജ്യ സിലിണ്ടറിന് 1,773 രൂപയാണ് രാജ്യ തലസ്ഥാനമായ ഡൽഹിയിലെ വില. നേരത്തെ 1,856.50 രൂപയായിരുന്നു വില. കഴിഞ്ഞ മാസം എൽ.പി.ജി സിലിണ്ടറിന് 172 രൂപ കുറച്ചിരുന്നു. അതേസമയം, കഴിഞ്ഞ കുറേ മാസങ്ങളായി ഗാർഹിക സിലിണ്ടറുകളുടെ വിലയിൽ കമ്പനികൾ മാറ്റം വരുത്തിയിട്ടില്ല.
2022ൽ മൂന്ന് തവണയാണ് ഗാർഹിക സിലിണ്ടറിന്റെ വില കൂട്ടിയത്. ജൂലൈയിൽ 50 രൂപയും മെയിൽ 3.50 രൂപയും മാർച്ചിൽ 50 രൂപയുമാണ് വർധിപ്പിച്ചത്. അതേസമയം, അന്താരാഷ്ട്ര വിപണിയിൽ ബ്രെൻറ് ക്രൂഡോയിൽ വില 72.66 ഡോളറാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.