ന്യൂഡൽഹി: 100 വർഷത്തിനിടക്ക് രാജ്യം ഇതുവരെ കാണാത്ത ബജറ്റാണ് 2021-22 സാമ്പത്തിക വർഷത്തിൽ അവതരിപ്പിക്കുകയെന്ന് ധനമന്ത്രി നിർമല സീതാരാമൻ. വലിയ മഹാമാരിക്ക് ശേഷമുള്ള ബജറ്റ് വ്യത്യസ്തമാവും. വെല്ലുവിളികൾ നിറഞ്ഞ സാഹചര്യത്തിലാണ് ബജറ്റ് അവതരിപ്പിക്കുന്നത്. ജനങ്ങൾക്ക് ഇതുമായി ബന്ധപ്പെട്ട് ഇപ്പോൾ നിർദേശങ്ങൾ സമർപ്പിക്കാമെന്നും നിർമല സീതാരാമൻ പറഞ്ഞു.
ഇന്ത്യയുടെ ജനസംഖ്യ പരിഗണിക്കുേമ്പാൾ നല്ല വളർച്ച രാജ്യത്തിനുണ്ട്. ആഗോള വളർച്ചക്ക് ഇന്ത്യ വലിയ സംഭാവന നൽകുന്നുണ്ടെന്നും നിർമല സീതാരാമൻ പറഞ്ഞു. അടിസ്ഥാന സൗകര്യവികസനത്തിനായി കൂടുതൽ പണം വിലയിരുത്തും. സ്വകാര്യ മേഖലയുടെ സഹകരണത്തോടെ ആശുപത്രികൾ വികസിപ്പിക്കുമെന്നും നിർമല സീതാരാമൻ പറഞ്ഞു.
2021-22 സാമ്പത്തിക വർഷത്തിലെ ബജറ്റ് ഫെബ്രുവരി ഒന്നിനാണ് അവതരിപ്പിക്കുക.കോവിഡിനെ തുടർന്ന് പ്രതിസന്ധിയിലായ സമ്പദ്വ്യവസ്ഥയിൽ വളർച്ച കൊണ്ടു വരുന്നതിനാണ് ബജറ്റിൽ പ്രഥമ പരിഗണന നൽകുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.