വിദേശത്ത് ജോലി വാഗ്ദാനം ചെയ്ത്​ പണം തട്ടിയ ട്രാവൽസ് ഉടമ അറസ്റ്റിൽ

തി​രു​വ​ന​ന്ത​പു​രം: വി​ദേ​ശ​ത്ത് ജോ​ലി വാ​ഗ്ദാ​നം ചെ​യ്ത് ഉ​ദ്യോ​ഗാ​ർ​ഥി​യി​ൽ​നി​ന്ന് എ​ട്ട് ല​ക്ഷം രൂ​പ ത​ട്ടി​യ കേ​സി​ൽ ട്രാ​വ​ൽ​സ് ഉ​ട​മ അ​റ​സ്റ്റി​ൽ. കൈ​മ​നം കു​റ്റി​ക്കാ​ട് ലെ​യ്​​ൻ ബീ​ന ഭ​വ​നി​ൽ എ​സ്. സു​രേ​ന്ദ്ര​നെ​യാ​ണ് (57) ത​മ്പാ​നൂ​ർ പൊ​ലീ​സ് അ​റ​സ്റ്റ് ചെ​യ്ത​ത്.

വി​ദേ​ശ​രാ​ജ്യ​ങ്ങ​ളി​ലേ​ക്ക് ഉ​ദ്യോ​ഗാ​ർ​ഥി​ക​ളെ റി​ക്രൂ​ട്ട് ചെ​യ്യാ​ൻ കേ​ന്ദ്ര​സ​ർ​ക്കാ​റി​ന്‍റെ ലൈ​സ​ൻ​സ് വേ​ണ​മെ​ന്നി​രി​ക്കെ ഇ​യാ​ൾ അ​ന​ധി​കൃ​ത​മാ​യി ഉ​ദ്യോ​ഗാ​ർ​ഥി​ക​ളെ അ​ർ​മേ​നി​യ​യി​ലേ​ക്ക് അ​യ​ച്ച​താ​യി ത​മ്പാ​നൂ​ർ സി.​ഐ ശ്രീ​കു​മാ​റി​ന്‍റെ അ​ന്വേ​ഷ​ണ​ത്തി​ൽ ക​ണ്ടെ​ത്തി. ത​മ്പാ​നൂ​രി​ൽ ജെ​യി​ദ് എ​യ​ർ ട്രാ​വ​ൽ എ​ന്ന പേ​രി​ലാ​ണ് ഇ​യാ​ൾ സ്ഥാ​പ​നം ന​ട​ത്തി​യി​രു​ന്ന​ത്. യൂ​റോ​പ്യ​ൻ രാ​ജ്യ​മാ​യ പോ​ള​ണ്ടി​ൽ പ്ര​തി​മാ​സം 80,000 രൂ​പ ശ​മ്പ​ള​ത്തി​ൽ പാ​ക്കി​ങ് ജോ​ലി വാ​ങ്ങി​ന​ൽ​കാ​മെ​ന്ന് വി​ശ്വ​സി​പ്പി​ച്ചാ​യി​രു​ന്നു ത​ട്ടി​പ്പ്. ത​മി​ഴ്നാ​ട് ശു​ചീ​ന്ദ്രം സ്വ​ദേ​ശി കാ​ർ​ത്തി​ക് (39) ആ​ണ് ത​ട്ടി​പ്പി​നി​ര​യാ​യ​ത്.

പോ​ള​ണ്ടി​ൽ ജോ​ലി​ക്ക് ക​യ​റു​ന്ന​തി​ന് മു​മ്പ് അ​ർ​മേ​നി​യ​യി​ലെ ഒ​രു ക​മ്പ​നി​യി​ൽ അ​ഞ്ചു​മാ​സം പാ​ക്കി​ങ് ജോ​ലി ചെ​യ്യ​ണ​മെ​ന്നും അ​വി​ടെ​നി​ന്ന്​ കി​ട്ടു​ന്ന താ​ൽ​ക്കാ​ലി​ക ര​ജി​സ്ട്രേ​ഷ​ൻ ഉ​പ​യോ​ഗി​ച്ച് പോ​ള​ണ്ടി​ൽ ജോ​ലി ശ​രി​യാ​ക്കാം എ​ന്നു​മാ​ണ് സു​രേ​ന്ദ്ര​ൻ വി​ശ്വ​സി​പ്പി​ച്ചി​രു​ന്ന​ത്. തു​ട​ർ​ന്ന് എ​ട്ട് ല​ക്ഷ​വും കൈ​പ്പ​റ്റി. തു​ട​ർ​ന്ന് ക​ഴി​ഞ്ഞ ഡി​സം​ബ​ർ 21ന് ​ചെ​ന്നൈ​യി​ൽ നി​ന്ന്​ ഫ്ലൈ​റ്റി​ൽ അ​ർ​മേ​നി​യ​യി​ലേ​ക്ക് അ​യ​ച്ചു.

എ​ന്നാ​ൽ അ​വി​ടെ​യെ​ത്തി ര​ണ്ട​ര​മാ​സം താ​മ​സി​ച്ചി​ട്ടും ജോ​ലി കി​ട്ടാ​തെ നാ​ട്ടി​ലേ​ക്ക് തി​രി​കെ​വ​രു​ക​യാ​യി​രു​ന്നു. തു​ട​ർ​ന്ന് പൊ​ലീ​സി​ൽ പ​രാ​തി​പ്പെ​ടു​ക​യാ​യി​രു​ന്നു.