അക്രമികൾ കാറിന്റെ ചില്ല് തകർത്തനിലയിൽ
കൊടുങ്ങല്ലൂർ: ശ്രീനാരായണപുരം ആലയിൽ സ്ത്രീകൾ തനിച്ച് താമസിക്കുന്ന വീടിനുനേരെ ആക്രമണം.ആല ത്രിവേണി കിഴക്കുട്ടയിൽ പരേതനായ സുരേഷ് ബാബുവിന്റെ വീട്ടിലാണ് ഞായറാഴ്ച പുലർച്ച ആക്രമണം ഉണ്ടായത്. പോർച്ചിലുണ്ടായിരുന്ന കാറിന്റെ ചില്ല് തകർത്ത അക്രമികൾ സൈക്കിൾ കൊണ്ടുപോയി.
വീട്ടിലെ ഫ്യൂസും ഊരി. ഈ സമയം സുരേഷ് ബാബുവിന്റെ ഭാര്യ സുജാതയും രണ്ട് പെൺമക്കളും കുട്ടികളുമാണ് വീട്ടിലുണ്ടായിരുന്നത്. ശബ്ദംകേട്ട് വീട്ടുകാർ ഉണർന്ന് ലൈറ്റ് ഇട്ടെങ്കിലും തെളിഞ്ഞില്ല.
ഈ വീടിന്റെ സമീപത്തുതന്നെ ഇവർ മറ്റൊരു വീട് പണിയുന്നുണ്ട്. അവിടെത്തെയും ഫ്യൂസ് ഊരിയിരുന്നു. മതിലകം പൊലീസ് സ്ഥലത്തെത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.