ലഹരി പിടികൂടാനെത്തിയ പൊലീസിനുനേരെ ആക്രമണം; പ്രതി പിടിയിൽ

ക​ഠി​നം​കു​ളം: ല​ഹ​രി ക​ച്ച​വ​ടം പി​ടി​കൂ​ടാ​നെ​ത്തി​യ പൊ​ലീ​സ് സം​ഘ​ത്തെ ക​ത്തി​യു​മാ​യി ആ​ക്ര​മി​ച്ച പ്ര​തി പി​ടി​യി​ൽ. ഒ.​എം.​ആ​ർ എ​ന്ന​റി​യ​പ്പെ​ടു​ന്ന ഷെ​മീം (33) ആ​ണ് പി​ടി​യി​ലാ​യ​ത്.

പെ​രു​മാ​തു​റ​യി​ൽ ഞാ​യ​റാ​ഴ്ച രാ​ത്രി​യാ​ണ് സം​ഭ​വം. പെ​രു​മാ​തു​റ, ക​ഠി​നം​കു​ളം പ്ര​ദേ​ശ​ങ്ങ​ളി​ൽ സ്ഥി​ര​മാ​യി ല​ഹ​രി വി​ല്പ​ന ന​ട​ത്തി വ​ന്ന പ്ര​തി​യെ പി​ടി​ക്കാ​നെ​ത്തി​യ ക​ഠി​നം​കു​ളം എ​സ്.​ഐ ഉ​ൾ​പ്പ​ടെ​യു​ള്ള സം​ഘ​ത്തെ ഇ​യാ​ൾ ആ​ക്ര​മി​ക്കു​ക​യാ​യി​രു​ന്നു. വീ​ടു​വ​ള​ഞ്ഞ് ഷെ​മീ​മി​നെ പി​ടി​കൂ​ടു​ന്ന​തി​നി​ടെ പൊ​ലീ​സി​നെ മ​ർ​ദ്ദി​ച്ച് ര​ക്ഷ​പ്പെ​ടാ​ൻ ശ്ര​മി​ച്ചു.

പി​ടി​കൂ​ടു​മെ​ന്നു​റ​പ്പാ​യ​തോ​ടെ​യാ​ണ് ക​ത്തി​വീ​ശി പോ​ലീ​സി​നെ കു​ത്താ​ൻ ശ്ര​മി​ച്ച​ത്. ഒ​ഴി​ഞ്ഞു മാ​റി​യ​തി​നാ​ൽ എ​സ്.​ഐ​ക്ക്​ കു​ത്തു​കൊ​ണ്ടി​ല്ല. ക​ഠി​നം​കു​ളം എ​സ്.​ഐ അ​നൂ​പ്, സി.​പി.​ഒ മാ​രാ​യ അ​ഭി​ലാ​ഷ്, ഹാ​ഷിം എ​ന്നി​വ​ർ​ക്ക് പ​രി​ക്കേ​റ്റു. തു​ട​ർ​ന്ന് സ്റ്റേ​ഷ​നി​ൽ നി​ന്ന് കൂ​ടു​ത​ൽ പോ​ലീ​സ് എ​ത്തി​യാ​ണ് ഇ​യാ​ളെ പി​ടി​കൂ​ടി​യ​ത്.

ഇ​യാ​ളി​ൽ നി​ന്ന് .45 ഗ്രാം ​എം.​ഡി.​എം.​എ​യും പി​ടി​കൂ​ടി. ആ​ശു​പ​ത്രി ജീ​വ​ന​ക്കാ​രെ ആ​ക്ര​മി​ച്ച​ത​ട​ക്കം നി​ര​വ​ധി കേ​സു​ക​ളി​ൽ പ്ര​തി​യാ​ണ് ഷെ​മീം.

പൊ​ലീ​സി​നെ ആ​ക്ര​മി​ച്ച​തി​നും ഡ്യൂ​ട്ടി ത​ട​സ​പ്പെ​ടു​ത്തി​യ​തി​നും മാ​ര​ക ല​ഹ​രി വ​സ്തു സൂ​ക്ഷി​ച്ച​തി​നും ജാ​മ്യ​മി​ല്ലാ വ​കു​പ്പു​ക​ൾ ചു​മ​ത്തി​യാ​ണ് അ​റ​സ്റ്റ് ചെ​യ്ത​ത്. പ്ര​തി​യെ ആ​റ്റി​ങ്ങ​ൽ കോ​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.