പയ്യന്നൂര്‍: 15കാരനെ മർദിച്ചുവെന്ന പരാതിയിൽ അമ്മക്കും അമ്മയുടെ അമ്മാവനുമെതിരെ ബാലാവകാശ സംരക്ഷണ നിയമ പ്രകാരം കേസ്. പയ്യന്നൂർ പൊലീസ് സ്റ്റേഷൻ പരിധിയിലെ 15കാരന്റെ പരാതിയിലാണ് പയ്യന്നൂര്‍ പൊലീസ് ജെ.ജെ ആക്ട് പ്രകാരം കേസെടുത്തത്. ഈ മാസം 12ന് വൈകീട്ടാണ് പരാതിക്കാസ്പദമായ സംഭവം.
ഭര്‍ത്താവുമായി അകന്നുകഴിയുന്ന അമ്മയുടെ കൂടെയാണ് കുട്ടിയുടെ താമസം. അതിനിടയില്‍ മകന്‍ പിതാവിനെ കാണാന്‍ പോകുന്നുവെന്ന് പറഞ്ഞതാണ് അമ്മയെ പ്രകോപിപ്പിച്ചത്. ഈ ദേഷ്യത്തില്‍ അമ്മയും കൂടെയുണ്ടായിരുന്ന അമ്മയുടെ അമ്മാവനും ചേര്‍ന്ന് മര്‍ദിക്കുകയായിരുന്നുവെന്ന കുട്ടിയുടെ പരാതിയിലാണ് പൊലീസ് കേസെടുത്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.