ശ്രീരാഗ്, അബ്ദുൾ ജലീൽ
കൽപകഞ്ചേരി: പണയ സ്വർണം തട്ടിയെടുക്കാൻ ശ്രമിച്ച കേസിൽ രണ്ടുപേർ പിടിയിൽ. വള്ളുവനാട് ക്യാപിറ്റൽ ലിമിറ്റഡിന്റെ വൈലത്തൂർ ശാഖയിലെ ഏരിയ മാനേജർ ആയ പാലക്കൽ കോഡൂർ വലിയാട് പത്തായപ്പുര ശ്രീരാഗ് (26), പൊന്മുണ്ടം പാലപ്പെട്ടി അബ്ദുൾ ജലീൽ (27) എന്നിവരാണ് കൽപകഞ്ചേരി പൊലീസിന്റെ പിടിയിലായത്.
ശ്രീരാഗ് മാസങ്ങൾക്ക് മുൻപ് അബ്ദുൾ ജലീലിൽ നിന്നും 120.8 ഗ്രാം സ്വർണം പണയമായി സ്വീകരിക്കുകയും 6 ലക്ഷം രൂപ നൽകുകയും ചെയ്തു. തുടർന്ന് ബാങ്കിന്റെ ലോക്കറിൽ സൂക്ഷിച്ച പണയ സ്വർണം അബ്ദുൾ ജലീൽ ഒരു കല്ല്യാണ ആവശ്യത്തിനെന്നു പറഞ്ഞ് തിരികെ ആവശ്യപ്പെട്ടു.
ഏരിയ മാനേജറായ ശ്രീരാഗ് യാതൊരു രേഖയുമില്ലാതെ ലോക്കറിൽ സൂക്ഷിച്ച സ്വർണം തിരികെ നൽകുകയും ചെയ്തു. കഴിഞ്ഞയാഴ്ച സ്ഥാപനത്തിൽ നടന്ന ഓഡിറ്റിങ്ങിലാണ് സ്വർണം നഷ്ടമായ വിവരം മേലാധികാരികളുടെ ശ്രദ്ധയിൽ പെട്ടത്. കൽപകഞ്ചേരി പൊലീസിൽ പരാതി നൽകുകയും തുടർന്നുള്ള ആന്വേഷണത്തിലാണ് ശ്രീരാഗിനെയും, ജലീലിനെയും സബ് ഇൻസ്‌പെക്ടർ കെ.നൗഫൽ അറസ്റ്റ് ചെയ്തത്. എസ്.സി.പി.ഒ മധുസൂദനൻ, സി.പി.ഒ മാരായ വിനീഷ്, മൻസൂർ എന്നിവരും ആന്വേഷണ സംഘത്തിൽ ഉണ്ടായിരുന്നു. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.