മംഗലപുരം: കണിയാപുരം പായ്ച്ചിറയിൽ കഴിഞ്ഞ ദിവസം നടന്ന അക്രമ സംഭവത്തിലെ പ്രതികളെ പൊലീസ് അറസ്റ്റു ചെയ്തു. കണിയാപുരം കുന്നിനകം സ്വദേശി വിഷ്ണു (27), പായ്ച്ചിറ പണയിൽ വീട്ടിൽ നിതിൻ (25), പായ്ച്ചിറ പാണ്ടിവിള വീട്ടിൽ അജീഷ് (26), പായ്ചിറ തളിയിൽ വീട്ടിൽ അനസ് (25) എന്നിവരാണ് പൊലീസ് പിടിയിലായത്.
ഞായറാഴ്ച രാത്രി 11നാണ് മദ്യപ സംഘത്തിന്‍റെ അഴിഞ്ഞാട്ടം. പായ്ച്ചിറ സ്വദേശികളായ ജനി, പ്രണവ്, വിഷ്ണു എന്നിവർക്ക് മർദന മേൽക്കുകയും മൂന്ന് വീടുകൾ അടിച്ചു തകർക്കുകയും ചെയ്തിരുന്നു. കേസിൽ ഇനി പിടിയിലാകാനുള്ളത് കണിയാപുരം സ്വദേശി ശബരിയാണെന്നും ഇയാൾ ഉടൻ വലയിലാകുമെന്നും മംഗലപുരം പൊലീസ് പറഞ്ഞു. പ്രതികൾക്കെതിരെ വധശ്രമം, വീടുകയറി അക്രമണം തുടങ്ങിയ കുറ്റങ്ങളാണ് ചുമത്തിയിരിക്കുന്നത്. ആറ്റിങ്ങൽ കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.