വിദേശത്ത് ജോലി വാഗ്ദാനം നൽകി ലക്ഷങ്ങൾ തട്ടിയയാൾ പിടിയിൽ

മു​ഹ​മ്മ: വി​ദേ​ശ​ത്ത് ജോ​ലി വാ​ഗ്ദാ​നം ന​ൽ​കി ല​ക്ഷ​ങ്ങ​ൾ ത​ട്ടി​യ പ്ര​തി പൊ​ലീ​സ് പി​ടി​യി​ലാ​യി. ക​ണ്ണൂ​ർ അ​ഴീ​ക്കോ​ട് അ​ഞ്ച​ക്കാ​ര​ൻ മി​ഥി​ലാ​ജാ​ണ്​ (33) മു​ഹ​മ്മ പൊ​ലീ​സി​ന്റെ പി​ടി​യി​ലാ​യ​ത്.

മു​ഹ​മ്മ സ്വ​ദേ​ശി​ക​ളാ​യ ദ​മ്പ​തി​ക​ളോ​ട്​ സൗ​ദി അ​റേ​ബ്യ​യി​ൽ ജോ​ലി ന​ൽ​കാ​മെ​ന്ന് വാ​ഗ്ദാ​നം ചെ​യ്ത് ല​ക്ഷ​ങ്ങ​ൾ ത​ട്ടി​യെ​ന്ന പ​രാ​തി​യി​ലാ​ണ് അ​റ​സ്റ്റ്. പൊ​ലീ​സ് പ​റ​യു​ന്ന​ത് ഇ​പ്ര​കാ​രം: മു​ഹ​മ്മ​യി​ലെ ഒ​രു ഹോ​ട്ട​ലി​ൽ മാ​നേ​ജ​രാ​യ ജോ​ലി നോ​ക്ക​വേ ഹോ​ട്ട​ലി​ൽ സ്ഥി​രം സ​ന്ദ​ർ​ശ​നം ന​ട​ത്തു​ന്ന പ​രാ​തി​ക്കാ​ര​നു​മാ​യി പ്ര​തി പ​രി​ച​യ​ത്തി​ലാ​കു​ക​യാ​യി​രു​ന്നു.

തു​ട​ർ​ന്ന് പ​ല​ത​വ​ണ​യാ​യി പ​രാ​തി​ക്കാ​ര​നി​ൽ​നി​ന്ന്​ അ​ഞ്ച് ല​ക്ഷം രൂ​പ കൈ​ക്ക​ലാ​ക്കി. പ്ര​തി​ക്ക് പ​ണം കൈ​മാ​റി​യ ശേ​ഷം വി​വ​ര​ങ്ങ​ൾ ഒ​ന്നും ല​ഭി​ക്കാ​ത്ത​തി​നെ തു​ട​ർ​ന്ന് പ​രാ​തി​ക്കാ​ര​ൻ മു​ഹ​മ്മ പൊ​ലീ​സ് സ്റ്റേ​ഷ​നി​ൽ പ​രാ​തി ന​ൽ​കു​ക​യും ഒ​ളി​വി​ൽ പോ​യ പ്ര​തി​യെ ക​ണ്ണൂ​രി​ലെ അ​ഴീ​ക്കോ​ട് നി​ന്ന്​ അ​റ​സ്റ്റ്

ചെ​യ്യു​ക​യാ​യി​രു​ന്നു. മു​ഹ​മ്മ പൊ​ലീ​സ് ഇ​ൻ​സ്പെ​ക്ട​ർ എം. ​ലൈ​സാ​ദ് മു​ഹ​മ്മ​ദി​ന്‍റെ നേ​തൃ​ത്വ​ത്തി​ൽ സ​ബ് ഇ​ൻ​സ്പെ​ക്ട​ർ ലാ​ലി തോ​മ​സ്, മ​നോ​ജ് കൃ​ഷ്ണ​ൻ, സി.​പി. ന​ന്ദു എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ ക​സ്റ്റ​ഡി​യി​ലെ​ടു​ത്ത​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു.