കിളിമാനൂർ: പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ച കേസിലെ പ്രതിയെ പള്ളിക്കൽ പൊലീസ് പിടികൂടി. മണമ്പൂർ, തോപ്പുവിള, തോപ്പുവിള വീട്ടിൽ മിഥുൻ (18) ആണ് അറസ്റ്റിലായത്. പള്ളിക്കൽ സ്റ്റേഷൻ പരിധിയിലാണ് കേസിനാസ്പദമായ സംഭവം നടന്നത്. 15കാരിയോട് പ്രണയം നടിച്ച് മൊബൈൽ ഫോൺ നമ്പർ കരസ്ഥമാക്കിയ ശേഷം, വാട്സ്ആപ്പിലൂടെയും, ഫേസ്ബുക്കിലൂടെയും ചാറ്റിങ് നടത്തി പീഡനത്തിന് വിധേയമാക്കിയെന്നാണ് കേസ്.
പെൺകുട്ടിയെ വീട്ടിൽനിന്ന് ഇറക്കിക്കൊണ്ട് പോകാൻ ശ്രമിച്ചത് പെൺകുട്ടിയുടെ അമ്മ തടയുകയും പൊലീസിൽ പരാതി നൽകുകയുമായിരുന്നു. പള്ളിക്കൽ സ്റ്റേഷൻ ഓഫിസർ പി. ശ്രീജിത്ത്, എസ്.ഐ എം. സഹിൽ, എസ്.സി.പി.ഒ മനോജ്, ബിനു, സി.പി.ഒ ഷമീർ, വിനീഷ് എന്നിവർ ചേർന്ന് പിടികൂടിയ പ്രതിയെ ആറ്റിങ്ങൽ കോടതി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.