ആർ. മുരുകേശ്, അംബിക ചന്ദ്രശേഖർ,
രാജി രമേഷ്
പൊൻകുന്നം: ബന്ധുവായ വയോധികയെ കബളിപ്പിച്ച് മൊബൈൽ ഫോൺ വഴി ബാങ്ക് അക്കൗണ്ടിലെ പണം തട്ടിയ കേസിൽ തമിഴ്നാട് സ്വദേശികളായ മൂന്നു പേർ അറസ്റ്റിൽ.തമിഴ്നാട് കാഞ്ചീപുരം സ്വദേശികളായ ആർ. മുരുകേശ് (21), അംബിക ചന്ദ്രശേഖർ (40), രാജി രമേഷ് (39) എന്നിവരാണ് അറസ്റ്റിലായത്. ഇവർ മൂവരും ഇവരുടെ ബന്ധുവായ ചിറക്കടവ് സ്വദേശിനിയായ വയോധികയുടെ വീട്ടിൽ താമസിക്കാൻ എത്തിയിരുന്നു. വയോധികയുടെ മൊബൈൽ ഫോൺ കൈക്കലാക്കി അക്കൗണ്ടിൽ ഉണ്ടായിരുന്ന 1.4 ലക്ഷം രൂപ ഇവരുടെ തമിഴ്നാട്ടിലെ അക്കൗണ്ടിലേക്ക് ട്രാൻസ്ഫർ ചെയ്തു.
വീട്ടിൽ സൂക്ഷിച്ചിരുന്ന 36,000 രൂപയും മൊബൈൽ ഫോണും മോഷ്ടിക്കുകയും ചെയ്തു. രണ്ടാഴ്ചക്കുശേഷം വയോധിക ബാങ്കിൽ എത്തിയപ്പോഴാണ് പണം നഷ്ടപ്പെട്ട വിവരം അറിഞ്ഞത്. തുടർന്ന് പൊലീസിൽ പരാതി നൽകി. ശാസ്ത്രീയ പരിശോധനയിൽ പണം കാഞ്ചീപുരത്തുള്ള ബാങ്കിലെ പ്രതികളുടെ അക്കൗണ്ടിലേക്ക് എത്തിയതായി കണ്ടെത്തിയതിനെ തുടർന്ന് മൂവരെയും പിടികൂടുകയായിരുന്നു.
എസ്.എച്ച്.ഒ ടി. ദിലീഷ്, എസ്.ഐ മാരായ ഹരിഹരകുമാർ നായർ, എം.ജി. ബിജു, കെ.ജി. മനോജ്, എ.എസ്.ഐ ഷീന മാത്യു, സി.പി.ഒ കിരൺ എസ്. കർത്ത എന്നിവർ ചേർന്നാണ് ഇവരെ അറസ്റ്റ് ചെയ്തത്. കോടതിയിൽ ഹാജരാക്കിയ മൂവരെയും റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.