പെരുമ്പാവൂർ: കഞ്ചാവുമായി ഒഡിഷ സ്വദേശി എക്സൈസി‍െൻറ പിടിയിലായി. ഒഡിഷ കന്ധമാൽ ജില്ലയിൽ സമ്പത് പ്രഥാനാണ് (45) പിടിയിലായത്. 2.2 കിലോ കഞ്ചാവ് കണ്ടെടുത്തു. വിൽപനക്കായി അറക്കപ്പടി ഭാഗത്ത് എത്തുമെന്ന് എക്സൈസ് ഇൻസ്പെക്ടർക്ക് എം. മഹേഷ് കുമാറിന് ലഭിച്ച രഹസ്യ വിവരത്തെ തുടർന്നു നടത്തിയ പരിശോധനയിലാണ് പിടിയിലായത്.
പരിശോധനയിൽ പ്രിവന്‍റീവ് ഓഫിസർ വി.എസ്. ഷൈജു, സിവിൽ എക്സൈസ് ഓഫിസർമാരായ വി.എൽ. ജിമ്മി, ടി.എൻ. ശ്രീരാജ്, ടി.കെ. അനൂപ് എന്നിവർ പങ്കെടുത്തു. ഓണം സ്പെഷൽ ഡ്രൈവ് പ്രമാണിച്ച് എക്സൈസ് റേഞ്ച് ടീം കഴിഞ്ഞ മാസം ആരംഭം മുതൽ പരിശോധനകൾ കർശനമാക്കിയിരുന്നു. മദ്യ മയക്കുമരുന്ന് കേസുകളിലെ മുൻകാല കുറ്റവാളികൾ, അന്തർസംസ്ഥാന തൊഴിലാളികൾ കൂട്ടമായി താമസിക്കുന്ന സ്ഥലങ്ങൾ, അടഞ്ഞു കിടക്കുന്ന കെട്ടിടങ്ങൾ, സ്കൂൾ കോളജ് പരിസരങ്ങൾ, കൊറിയർ സ്ഥാപനങ്ങൾ എന്നിവ എക്സൈസി‍െൻറ രഹസ്യ നിരീക്ഷണത്തിലായിരുന്നു.
ഇക്കാലയളവിൽ മാത്രം വിവിധ കേസുകളിലായി വാഹനമുൾപ്പെടെ ഏഴ് കിലോയോളം കഞ്ചാവും 30 ഗ്രാം ഹെറോയിനും 20 ലിറ്ററോളം മദ്യവും 70 കിലോയോളം നിരോധിത പുകയില ഉൽപന്നങ്ങളും കണ്ടെത്തി. പൊലീസും വനം വകുപ്പുമായി യോജിച്ച് പരിശോധനകളും നടത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.