ലഖ്നോ: 17കാരിയെ തട്ടിക്കൊണ്ടുപോയ കേസിൽ ജയിലിലായിരുന്ന പ്രതി ജാമ്യത്തിലിറങ്ങിയ ശേഷം പെൺകുട്ടിയെ വീണ്ടും തട്ടിക്കൊണ്ടുപോയി ദിവസങ്ങളോളം തടവിലാക്കി ബലാത്സംഗം ചെയ്തു. യു.പിയിലെ ബദോഹിയിലാണ് സംഭവം. പ്രതിയായ ബിഹാർ സ്വദേശി വീർ നാഥ് പാണ്ഡെയെ പൊലീസ് അറസ്റ്റ് ചെയ്തു.
17കാരിയെ തട്ടിക്കൊണ്ടുപോയ കേസിൽ ഇയാളെ നേരത്തെ അറസ്റ്റ് ചെയ്തിരുന്നു. ജയിലിൽ കഴിഞ്ഞ പ്രതി ജാമ്യത്തിലിറങ്ങിയ ശേഷം ആഗസ്റ്റ് അഞ്ചിന് പെൺകുട്ടിയെ വീണ്ടും തട്ടിക്കൊണ്ടുപോകുകയും ഒരു മാസത്തോളം തടവിൽ പാർപ്പിച്ച് ബലാത്സംഗം ചെയ്തെന്നും പൊലീസ് പറയുന്നു.
2024 മേയിലാണ് ആദ്യത്തെ സംഭവം. പെൺകുട്ടിയെ കാണാനില്ലെന്ന് വീട്ടുകാർ പരാതിപ്പെടുകയായിരുന്നു. തുടർന്ന്, 17കാരിയെ പ്രതി തട്ടിക്കൊണ്ടുപോയതാണെന്ന് പൊലീസ് കണ്ടെത്തി. ഈ കേസിൽ ജാമ്യത്തിലിറങ്ങിയതായിരുന്നു പ്രതി.
സെപ്റ്റംബർ രണ്ടിന് പ്രതി പെൺകുട്ടിയെ ജംഗിഗഞ്ച് റെയിൽവേ സ്റ്റേഷന് സമീപം ഉപേക്ഷിക്കുകയായിരുന്നു. തുടർന്ന് പെൺകുട്ടി പൊലീസിൽ പരാതിയുമായെത്തുകയായിരുന്നെന്ന് ഇൻസ്പെക്ടർ മനോജ് കുമാർ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.