അജിത്
പത്തനംതിട്ട: പോക്സോ കേസിലെ പ്രതിയെ തമിഴ്നാട്ടിൽനിന്ന് കൊടുമൺ പൊലീസ് പിടികൂടി. ഏനാദിമംഗലം കുറുമ്പകര കുന്നിട അഞ്ചുമല അജിത് ഭവനം വീട്ടിൽ അജിത് (22) ആണ് അറസ്റ്റിലായത്.
കഴിഞ്ഞമാസം 24ന് ലഭിച്ച മൊഴിപ്രകാരമെടുത്ത കേസിലാണ് അറസ്റ്റ്. അന്വേഷണം ആരംഭിച്ച കൊടുമൺ പൊലീസ്, മൊബൈൽ ഫോൺ ലൊക്കേഷൻ കണ്ടെത്തി പ്രതിയെ തമിഴ്നാട്ടിലെ ഉദുമൽപേട്ടയിൽനിന്ന് പിടികൂടുകയായിരുന്നു. 2019 സെപ്റ്റംബർ മുതൽ 2021 ഡിസംബർ വരെയുള്ള കാലയളവിൽ പലതവണ പെൺകുട്ടിയെ പീഡിപ്പിച്ചെന്നാണ് പരാതി.
അടൂർ ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതി 164 സി.ആർ.പി.സി പ്രകാരമുള്ള മൊഴി രേഖപ്പെടുത്തിയിരുന്നു. മെഡിക്കൽ പരിശോധനക്കുശേഷം പ്രതിയെ കോടതിയിൽ ഹാജരാക്കി. പൊലീസ് ഇൻസ്‌പെക്ടർ പ്രവീണിന്റെ നേതൃത്വത്തിലാണ് അന്വേഷണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.