വെള്ളൂർ: കാണാതായ വീട്ടമ്മയെയും കുട്ടികളെയും പരാതി ലഭിച്ച് മണിക്കൂറുകൾക്കകം കണ്ടെത്തി വെള്ളൂർ പൊലീസ്. പരാതി ലഭിച്ച ഉടൻ നാട്ടുകാരുമായി ചേർന്ന് നടത്തിയ തിരച്ചിലിൽ കഴിഞ്ഞദിവസം രാത്രി 12.30ഓടെയാണ് വെള്ളൂർ പൊലീസ് സ്റ്റേഷനിലെ എസ്.ഐമാരായ വിജയപ്രസാദ്, വിജിമോൻ എന്നിവരുടെ നേതൃത്വത്തിൽ ഇവരെ കണ്ടെത്തിയത്.
വെള്ളിയാഴ്ച വൈകീട്ട് ഏഴോടെയാണ് കാരിക്കോട് സ്വദേശിയായ വീട്ടമ്മയെയും പന്ത്രണ്ടും ഏഴും വയസ്സുള്ള കുട്ടികളെയും കാണാനില്ലെന്ന പരാതി ലഭിച്ചത്. ഉടൻ അന്വേഷണം ആരംഭിച്ച പൊലീസ് ഒടുവിൽ ചെറുകര പാലത്തിനടുത്തുള്ള കുടുംബക്ഷേത്രത്തിന് സമീപത്തുനിന്നും വീട്ടമ്മയെയും കുട്ടികളെയും കണ്ടെത്തുകയായിരുന്നു. കുടുംബപ്രശ്നങ്ങളാണ് ഇവർ വീടുവിടാൻ കാരണമെന്ന് പൊലീസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.