മനു
കൊല്ലം: സ്കൂൾ വിദ്യാർഥിയെ ഉപദ്രവിച്ച ബസ് കണ്ടക്ടർ പൊലീസ് പിടിയിലായി. ഇരവിപുരം വാളത്തുങ്കൽ മംഗലത്ത് തൊടിയിൽ മനുവാണ് (27) കൊല്ലം വെസ്റ്റ് പൊലീസിന്‍റെ പിടിയിലായത്. കഴിഞ്ഞ 21ന് മാമൂട്ടിൽകടവ്-കൊട്ടിയം റൂട്ടിലോടുന്ന ബസിൽ യാത്ര ചെയ്യുകയായിരുന്ന വിദ്യാർഥിയെ ബസിലെ കണ്ടക്ടർ ഉപദ്രവിച്ചിരുന്നു. ഇതേ ബസിൽവെച്ച് മറ്റൊരു ദിവസം ഈ വിദ്യാർഥിയെ കണ്ടക്ടർ ഉപദ്രവിക്കാൻ ശ്രമിക്കുകയും ഭീഷണിപ്പെടുത്തുകയുംചെയ്തു.
വിദ്യാർഥി പൊലീസിൽ നൽകിയ പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്ത് പ്രതിയെ അറസ്റ്റ് ചെയ്യുകയായിരുന്നു. കൊല്ലം വെസ്റ്റ് പൊലീസ് ഇൻസ്പെക്ടർ ഫയാസിന്‍റെ നേതൃത്വത്തിൽ എസ്.ഐമാരായ അൻസാർഖാൻ, എ.എസ്.ഐ ഷാജഹാൻ, എസ്.സി.പി.ഒ ഫെർഡിനൻറ്, സി.പി.ഒ സുരേഷ് എന്നിവരടങ്ങിയ സംഘമാണ് ഇയാളെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.