ഡോക്ടർ ചമഞ്ഞ് 5.5 ലക്ഷം തട്ടി; യുവാവും അമ്മയും അറസ്റ്റിൽ

പീ​രു​മേ​ട്: ഡോ​ക്ട​ർ ച​മ​ഞ്ഞ് ഏ​ല​പ്പാ​റ സ്വ​ദേ​ശി​യി​ൽ​നി​ന്ന്​ അ​ഞ്ച​ര​ല​ക്ഷം രൂ​പ ത​ട്ടി​യ അ​മ്മ​യും മ​ക​നെ​യും അ​റ​സ്റ്റ് ചെ​യ്തു. കോ​ട്ട​യം. പാ​ലാ കി​ട​ങ്ങൂ​ർ മം​ഗ​ല​ത്തു​കു​ഴി​യി​ൽ ഉ​ഷ അ​ശോ​ക​ൻ, മ​ക​ൻ വി​ഷ്ണു എ​ന്നി​വ​രാ​ണ് അ​റ​സ്റ്റി​ലാ​യ​ത്. ഏ​ല​പ്പാ​റ സ്വ​ദേ​ശി പ്ര​ദീ​ഷി​നെ കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ​വെ​ച്ചാ​ണ് ഇ​വ​ർ പ​രി​ച​യ​പ്പെ​ടു​ന്ന​ത്. പ്ര​ദീ​ഷ് മ​ക​ന്റെ ചി​കി​ത്സ​ക്ക്​ എ​ത്തി​യ​താ​യി​രു​ന്നു.

ഡോ​ക്ട​റു​ടെ വേ​ഷ​ത്തി​ൽ ആ​ശു​പ​ത്രി പ​രി​സ​ര​ത്ത് ക​ണ്ട വി​ഷ്ണു പ്ര​ദീ​ഷി​നെ ആ​ശു​പ​ത്രി കാ​ര്യ​ങ്ങ​ളി​ൽ സ​ഹാ​യി​ച്ചു. മെ​ഡി​ക്ക​ൽ കോ​ള​ജി​ലെ ഡോ​ക്ട​റാ​ണെ​ന്നാ​ണ് പ​രി​ച​യ​പ്പെ​ടു​ത്തി​യ​ത്. പി​ന്നീ​ട് പ്ര​ദീ​ഷി​ന്റെ പി​താ​വി​ന്റെ ചി​കി​ത്സ​ക്ക്​ കോ​ട്ട​യ​ത്തെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​യ​പ്പോ​ഴും പ്ര​ദീ​ഷ് വി​ഷ്ണു​വു​മാ​യി ബ​ന്ധ​പ്പെ​ട്ടി​രു​ന്നു. ചി​കി​ത്സ​ക്ക്​ 55 ല​ക്ഷം രൂ​പ​യാ​ണ് ചെ​ല​വാ​യ​ത്.

ചെ​ല​വാ​യ തു​ക​യു​ടെ 32 ശ​ത​മാ​നം ആ​രോ​ഗ്യ​വ​കു​പ്പി​ൽ​നി​ന്ന്​ വാ​ങ്ങി ന​ൽ​കാ​മെ​ന്ന പേ​രി​ലാ​ണ് പ​ല​ത​വ​ണ​യാ​യി വി​ഷ്ണു​വും ഉ​ഷ​യും പ്ര​ദീ​ഷി​ന്റെ പ​ക്ക​ൽ​നി​ന്ന്​ പ​ണം കൈ​പ്പ​റ്റി​യ​ത്. പ​ല​ത​വ​ണ​യാ​യി അ​ഞ്ച​ര ല​ക്ഷം രൂ​പ​യാ​ണ് ഇ​വ​ർ വാ​ങ്ങി​യെ​ടു​ത്ത​ത്. പ്ര​ദീ​ഷ് ന​ൽ​കി​യ പ​രാ​തി​യി​ൽ പീ​രു​മേ​ട് പൊ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ലാ​ണ് ഇ​രു​വ​രും പി​ടി​യി​ലാ​യ​ത്. ഏ​റ്റു​മാ​നൂ​രി​ൽ ഇ​വ​ർ വാ​ട​ക​ക്ക്​ താ​മ​സി​ച്ച് വ​രു​ക​യാ​യി​രു​ന്നു.

വി​വി​ധ സ്റ്റേ​ഷ​നു​ക​ളി​ലാ​യി സ​മാ​ന​രീ​തി​യി​ലു​ള്ള 11 കേ​സു​ക​ളാ​ണ് ഇ​വ​രു​ടെ പേ​രി​ലു​ള്ള​ത്. നോ​ർ​ത്ത് പ​റ​വൂ​ർ സ്റ്റേ​ഷ​നി​ൽ ര​ജി​സ്റ്റ​ർ ചെ​യ്ത കേ​സി​ൽ റി​മാ​ൻ​ഡി​ലാ​യി​രു​ന്നു ഇ​വ​ർ ജാ​മ്യ​ത്തി​ൽ ക​ഴി​ഞ്ഞു വ​ര​വെ​യാ​ണ് വീ​ണ്ടും പി​ടി​യി​ലാ​യ​ത്. പീ​രു​മേ​ട് കോ​ട​തി​യി​ൽ ഹാ​ജ​രാ​ക്കി​യ ഇ​രു​വ​രെ​യും റി​മാ​ൻ​ഡ് ചെ​യ്തു.