ബേപ്പൂർ പൊലീസ് പെട്ടിക്കടയിൽ പരിശോധന നടത്തുന്നു
ബേപ്പൂർ: സർക്കാർ ലഹരിവിരുദ്ധ പദ്ധതിയായ 'ഉണർവി'ന്റെ ഭാഗമായി ബേപ്പൂർ പൊലീസ് നടത്തിയ പരിശോധനയിൽ പെട്ടിക്കടയിൽനിന്ന് 8000 രൂപയുടെ പുകയില ഉൽപന്നങ്ങൾ പിടികൂടി.
ബേപ്പൂർ ഹൈസ്കൂളിന് സമീപത്തെ ഷാജി ടാക്കീസിനോട് ചേർന്ന പെട്ടിക്കടയിൽനിന്നാണ് സിഗരറ്റുകളും ബീഡിയും മറ്റു പുകയില ഉൽപന്നങ്ങളും സബ് ഇൻസ്പെക്ടർ ഷൈജിയുടെ നേതൃത്വത്തിലുള്ള പൊലീസ് സംഘം പിടികൂടിയത്.
ഉടമക്കെതിരെ കേസെടുത്തു. പുകയില ഉൽപന്നങ്ങൾ വിൽപന നടത്തിയതിന് പൊലീസും കഞ്ചാവ് വിൽപന നടത്തിയതിന് എക്സൈസ് സംഘവും മുമ്പ് ഇയാളുടെ പേരിലെടുത്ത കേസുകൾ ഇപ്പോഴും നിലവിലുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.