മേലാറ്റൂർ: മാസങ്ങൾ മുമ്പ് മകന്റെ ബൈക്ക് കത്തിക്കാൻ ക്വട്ടേഷൻ നൽകിയ വീട്ടമ്മക്കുനേരെ അതേ സംഘത്തിന്റെ ആക്രമണം. സംഭവത്തിൽ തമിഴ്നാട് ഉക്കടം സ്വദേശി ക്വാജ ഹുസൈൻ (39), മുള്ളിയാകുർശ്ശി കീഴുവീട്ടിൽ മെഹബൂബ് (58), പന്തലംചേരി അബ്ദുൽ നാസർ എന്ന പൂച്ച നാസർ (32) എന്നിവരെ മേലാറ്റൂർ പൊലീസ് അറസ്റ്റ് ചെയ്തു.
വീട്ടമ്മ നൽകിയ ക്വട്ടേഷൻ ഏറ്റെടുത്ത് പൊലീസ് പിടിയിലായി ജയിലിൽനിന്ന് ഇറങ്ങിയ സംഘാംഗങ്ങൾ നേരത്തെ ക്വട്ടേഷന് പറഞ്ഞുറപ്പിച്ച പ്രതിഫലത്തെച്ചൊല്ലി വീട്ടമ്മയുമായി വാക്തർക്കത്തിലേർപ്പെട്ടു. തുടർന്ന് മാരകായുധങ്ങളുമായി മുള്ളിയാകുർശ്ശിയിെല വീട്ടിലെത്തി വീട്ടമ്മയായ തച്ചാംകുന്നൻ നഫീസയെ ആക്രമിക്കുകയും വീട് അടിച്ചുപൊളിക്കുകയുമായിരുന്നു. മെയ് ഒന്നിന് പ്രതികൾ വീട്ടമ്മയുടെ നിർദേശപ്രകാരം മകന്റെ ബൈക്ക് കത്തിച്ചിരുന്നു. കുടുംബപ്രശ്നത്തെത്തുടർന്നാണ് വീട്ടമ്മ ക്വട്ടേഷൻ നൽകിയത്. പൊലീസ് ഇൻസ്പെക്ടർ കെ.ആർ. രഞ്ജിത്തും സംഘവുമാണ് പ്രതികളെ അറസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.