ഹൗ​സ് വൈ​ഫ് - കഥ

‘ഇ​ങ്ങ​ള് കൊ​റ​ച്ച് ക​യി​ഞ്ഞ്‌ വി​ളി​ക്ക്... അ​ല്ലെ​ങ്കി ത​ന്നെ നേ​രം വൈ​കീ​ട്ടു​ണ്ട്‌. നാ​ല​ര​ക്ക് അ​ലാ​റം വെ​ച്ച​താ​യി​രു​ന്നു. അ​ലാ​റം അ​ടി​ച്ച​ത് അ​റി​ഞ്ഞി​ല്ല. നീ​ച്ച​പ്പൊ​ത​ന്നെ അ​ഞ്ച​ര മ​ണി ആ​യി’ ബീ​വി തെ​ല്ലൊ​രു അ​രി​ശ​ത്തോ​ടെ പ​റ​ഞ്ഞു.

ഇ​വ​ൾ​ക്കി​തെ​ന്തു പ​റ്റി? തി​ള​ക്കു​ന്ന എ​ണ്ണ​യി​ൽ ക​ടു​ക് വ​റു​ക്ക​ണ പ്ര​തി​ക​ര​ണ​മാ​ണ​ല്ലോ രാ​വി​ലെ ത​ന്നെ. പി​ന്നെ വി​ളി​ക്കാ​മെ​ന്ന് പ​റ​ഞ്ഞു ഞാ​ൻ ഫോ​ൺ ക​ട്ട്‌ ചെ​യ്തു.

എ​നി​ക്ക് രാ​വി​ലെ സൗ​ദി സ​മ​യം ഏ​ഴ് മ​ണി​ക്കാ​ണ് ഡ്യൂ​ട്ടി തു​ട​ങ്ങു​ന്ന​ത്. നാ​ട്ടി​ൽ ര​ണ്ട​ര മ​ണി​ക്കൂ​ർ പി​റ​കോ​ട്ടാ​ണ​ല്ലോ... രാ​വി​ലെ ഉ​ണ​ർ​ന്ന ഉ​ട​നെ മൊ​ബൈ​ൽ ത​പ്പി വാ​ട്സ​പ്പെ​ടു​ത്ത് ബീ​വി​യു​ടെ ഇ​ൻ​ബോ​ക്സ് നോ​ക്കും. കി​ന്നാ​ര​വും പൊ​ന്നാ​ര​വും കൂ​ട്ടി കു​ഴ​ച്ച് പ​ല​തും വ​ന്ന് കി​ട​പ്പു​ണ്ടാ​വും. ഒ​ന്നും കാ​ണാ​ത്ത​പ്പോ മാ​ത്ര​മാ​ണ് ന​ന്നെ രാ​വി​ലെ അ​ങ്ങോ​ട്ട് വി​ളി​ക്കാ​റു​ള്ളൂ. കാ​ര​ണം അ​വ​ളു​ടെ തി​ര​ക്കു​ക​ൾ ത​ന്നെ.

എ​ന്നും പു​ല​ർ​ച്ചെ നാ​ല​ര മ​ണി​ക്കാ​ണ് ബീ​വി​യു​ടെ അ​ലാ​റം സെ​റ്റ് ചെ​യ്തി​ട്ടു​ള്ള​ത്. വ​ലി​യ മ​ക​ൾ അ​ഫ്രീ​ന്റേ​ത്​ അ​ഞ്ച​ര മ​ണി​ക്കും. അ​ഫ്രി മോ​ൾ​ക്ക് ആ​റ് മ​ണി​ക്ക് മ​ദ്​​റ​സ തു​ട​ങ്ങും. അ​തി​ന് മു​മ്പ് എ​ണീ​റ്റ് കു​ളി​ച്ച് നി​സ്ക​രി​ച്ച്​ ചാ​യ കു​ടി​ച്ചി​ട്ട് വേ​ണം മ​ദ്‌​റ​സ​യി​ൽ പോ​വാ​ൻ. അ​പ്പോ​ഴേ​ക്ക് ചാ​യ​യും ക​ടി​യും ആ​വ​ണം. അ​തി​നാ​ണ് ബീ​വി നാ​ല​ര​ക്ക് അ​ലാ​റം വെ​ച്ച് എ​ണീ​ക്കു​ന്ന​ത്.

സ്‌​കൂ​ൾ തു​റ​ക്ക​ലും വ​ർ​ഷ​കാ​ല​വും ഒ​രു​മി​ച്ചാ​ണെ​ത്തു​ന്ന​ത്. അ​തോ​ടൊ​പ്പം അ​തി​രാ​വി​ലെ കു​ട്ടി​ക​ളു​ടെ മ​ദ്​​റ​സാ​പ​ഠ​ന​വും. മ​ഴ ഉ​ണ്ടേ​ലും ഇ​ല്ലേ​ലും എ​ല്ലാ കാ​ലാ​വ​സ്ഥ​യി​ലും പു​ല​ർ​ച്ചെ നാ​ല​ര മു​ത​ൽ രാ​വി​ലെ ഒ​മ്പ​തു​വ​രെ മൂ​ന്ന് കു​ട്ടി​ക​ളെ​യും പ​റ​ഞ്ഞ​യ​ക്കു​ന്ന​തു​വ​രെ എ​ണ്ണ​യി​ട്ട യ​ന്ത്രം​പോ​ലെ ത​ന്നെ പ്ര​വ​ർ​ത്തി​ക്ക​ണം. ഇ​ട​ക്കെ​വി​ടെ​യെ​ങ്കി​ലും താ​മ​സി​ക്കു​ക​യോ ബ്രേ​ക്ക്‌‌ ആ​വു​ക​യോ ചെ​യ്താ​ൽ ടൈം ​ടേ​ബി​ൾ ആ​കെ താ​ളം തെ​റ്റും. ‘ഓ​ഞ്ചെ റ​ബ്ബേ... നേ​ര​ത്രെ ആ​യി?’ അ​ഫ്രീ​നേ നീ​ച്ചാ... ജ്‌ ​മ​ദ്റ​സ്ക്ക്‌ പോ​ണി​ല്ലേ? പെ​രും മ​ഴേ​ണ്. ഇ​ച്ചെ​ന്നെ നീ​ച്ചാ​ൻ പൂ​തി ഇ​ല്ല. പൊ​ത​ച്ചു മൂ​ടി ക​ട​ക്കാ​നാ​ണ് പൂ​തി. ഇ​ങ്ങ​ളെ​യൊ​ക്കെ ക​രു​തീ​ട്ടാ​ണ്​ ഞാ​നീ കൊ​ട്ടി​പ്പെ​ടീ​ണ​ത്‌’ അ​തും പ​റ​ഞ്ഞ് ബീ​വി അ​പ്പം മ​റി​ച്ചി​ടാ​നാ​യി അ​ടു​പ്പ​ത്തേ​ക്കോ​ടി.

‘ഇ​ന്ന് എ​ന്താ എ​ന്നും പ​ണ്ടും ഇ​ല്ലാ​ത്ത ഒ​രു ഒ​ട്ടി​പ്പി​ടി​ക്ക​ൽ അ​ന​ക്ക്. അ​ല്ലേ​ലും നേ​രം വെ​ഗു​മ്പൊ ഇ​ങ്ങ​നെ ത​ന്നെ.’ അ​വ​ൾ അ​പ്പ​ത്തി​നോ​ടാ​യി പ​റ​ഞ്ഞു. നേ​രം വൈ​കി​യ ബ​ദ്ധ​പ്പാ​ടി​ൽ വെ​ള്ള​വും അ​രി​പ്പൊ​ടി​യും ചേ​രു​വ മാ​റി​പ്പോ​യെ​ന്ന് തോ​ന്നു​ന്നു. ഇ​തി​നി​ട​യി​ൽ അ​പ്പു​റ​ത്തെ അ​ടു​പ്പ​ത്തെ ചാ​യ​കു​ടു​ക്ക ഇ​റ​ക്കി​വെ​ച്ച് ചോ​റി​നു​ള്ള വെ​ള്ളം വെ​ച്ചു.

ആ​കെ ര​ണ്ട് ക​ജ​ല്ലേ ഉ​ള്ളൂ എ​ല്ലാ​ത്തി​നും... അ​പ്പം ചു​ട​ൽ ക​ഴി​ഞ്ഞി​ട്ട് വേ​ണം സ്‌​കൂ​ളി​ലേ​ക്ക് കു​ട്ടി​ക​ൾ​ക്ക് ചോ​റി​ന് കൂ​ട്ടാ​ൻ കൊ​ണ്ടു​പോ​വാ​ൻ ഉ​പ്പേ​രി എ​ന്തേ​ലും ഉ​ണ്ടാ​ക്ക​ണം.

‘അ​ഫ്രീ​നേ... ജ്‌ ​നീ​ച്ച്‌​ണ് ണ്ടോ?’ ​അ​വ​ൾ അ​ടു​ക്ക​ള​യി​ൽ നി​ന്നും വീ​ണ്ടും നീ​ട്ടി വി​ളി​ച്ചു.

അ​ത് കേ​ട്ട് അ​ഫ്രീ​ൻ ഒ​ന്നൂ​ടി പൊ​ത​പ്പി​നു​ള്ളി​ലേ​ക്ക് ഊ​ളി​യി​ട്ടു. ഇ​ജ്ജാ​തി മ​ഴേ​ത്ത് ര​ണ്ട് കൈ​യ്യും ര​ണ്ട് കാ​ലി​നു​ള്ളി​ൽ പൂ​ഴ്ത്തി പു​ത​പ്പി​നു​ള്ളി​ൽ ചു​രു​ണ്ട്‌ കൂ​ടി കി​ട​ക്കാ​ൻ എ​ന്ത് കു​ളി​രാ​ണ്. ‘മ​ദ്ര​സീ​ക്ക്‌ നാ​ളെ​യും പോ​വാ​ലോ...’ അ​ഫ്രീ​​ന്റെ ആ​ത്മ​ഗ​തം. ര​ണ്ടു​മൂ​ന്ന് വ​ട്ടം അ​ങ്ങോ​ട്ടും ഇ​ങ്ങോ​ട്ടും തി​രി​ഞ്ഞും മ​റി​ഞ്ഞും കി​ട​ന്ന് അ​ഫ്രീ​ൻ കി​ട​ക്ക​യി​ൽ​നി​ന്നും എ​ണീ​റ്റു.

എ​ണീ​റ്റാ​ൽ പി​ന്നെ പ​ല്ല് തേ​ക്കാ​നും കു​ളി​ക്കാ​നും ഒ​ന്നും അ​വ​ൾ​ക്ക് മ​ടി​യി​ല്ല. മ​ദ്ര​സ വി​ട്ട് വ​ന്ന് സ്‌​കൂ​ളി​ൽ പോ​വു​ന്ന​തി​ന് മു​മ്പ് കു​ളി​ക്കാ​ൻ സ​മ​യ​മു​ണ്ടാ​വി​ല്ല. അ​തു​കൊ​ണ്ട് രാ​വി​ലെ ത​ന്നെ പ​ല്ല് തേ​പ്പും കു​ളി​യും ഒ​ക്കെ ഒ​പ്പ​മാ​ണ്. ഒ​പ്പം വു​ളു എ​ടു​ത്ത് സു​ബ്ഹി നി​സ്ക​രി​ച്ചു. നി​സ്ക​രി​ച്ചി​ല്ലേ​ൽ ഉ​സ്താ​ദി​െൻറ ചോ​ദ്യ​വും അ​ടി​യും ഒ​ക്കെ​യു​ണ്ടാ​വും. പു​സ്ത​ക​ങ്ങ​ളൊ​ക്കെ ത​ലേ​ന്ന് രാ​ത്രി ത​ന്നെ ടൈം​ടേ​ബി​ൾ പ്ര​കാ​രം ബാ​ഗി​ലാ​ക്കി എ​ടു​ത്തു​വെ​ക്കും. മ​ദ്ര​സ​യി​ൽ പോ​വാ​ൻ പ​ർ​ദ്ദ​യൊ​ക്കെ ഇ​ട്ട് വേ​ഗം അ​ടു​ക്ക​ള​യി​ലെ​ത്തി.

‘ഇ​മ്മാ ചാ​യ...’ ചാ​യ​യും അ​പ്പ​വും ചെ​റു​പ​യ​ർ ക​റി​യും തീ​ൻ മേ​ശ​പ്പു​റ​ത്തെ​ത്തി.

‘ഇ​ച്ച് ഇ​തൊ​ന്നും മാ​ണ്ട. ക​ട്ടാ​യി ഇ​ല്ലേ? അ​ല്ലെ​ങ്കി​ൽ നൂ​ഡി​ൽ​സ്’

‘എ​ന്തേ​ലു​മൊ​ക്കെ തി​ന്ന് പൊ​യ്ക്കോ അ​ഫ്രീ​നെ... ഇ​ത​ന്നെ ഞാ​ൻ ഒ​ന്നും ഉ​ണ്ടാ​ക്കാ​ത്ത​ത്’ അ​തും പ​റ​ഞ്ഞ് ബീ​വി വി​രു​ന്നു​കാ​ർ വ​രു​മ്പോ കൊ​ടു​ക്കാ​ൻ എ​ടു​ത്തു​വെ​ച്ച ര​ണ്ട് ക​ട്ടാ​യി എ​ടു​ത്ത് കൊ​ടു​ത്തു. അ​ഫ്രീ​ൻ വേ​ഗം ചാ​യ​യും ക​ട്ടാ​യി​യും സ​മം ചേ​ർ​ത്ത് എ​ങ്ങ​നെ​യൊ​ക്കെ​യോ പെ​ട്ടെ​ന്ന് ഉ​ള്ളി​ലാ​ക്കി. കാ​ര​ണം നേ​ര​മി​ല്ല​ല്ലോ...

ആ​റു മ​ണി​ക്ക് മ​ദ്ര​സ തു​ട​ങ്ങും. വേ​ഗം ബേ​ഗും കു​ട​യു​മെ​ടു​ത്ത് മു​റ്റ​ത്തേ​ക്കി​റ​ങ്ങി.

‘ഇ​മ്മാ ഞാ​ൻ പോ​വാ... അ​സ്സ​ലാ​മു അ​ലൈ​ക്കും’ ബീ​വി മ​ന​സി​ൽ സ​ലാം മ​ട​ക്കി​യി​ട്ടു​ണ്ടാ​വും. അ​ഫ്രീ​ൻ ഏ​താ​യാ​ലും അ​തൊ​ന്നും കേ​ൾ​ക്കാ​ൻ നി​ക്കൂ​ല. ഒ​റ്റ​യോ​ട്ട​മാ​ണ്. ബീ​വി വീ​ണ്ടും അ​ടു​പ്പ​ത്തേ​ക്കും. അ​ടു​ത്ത അ​പ്പം കൂ​ടി മ​റി​ച്ചി​ട്ട് ബെ​ഡ് റൂ​മി​ലേ​ക്ക്.

‘അ​ഫ്ര മോ​ളെ നീ​ച്ണ് ല്ലേ? ​മ​ദ്ര​സ​യി​ൽ പോ​വ​ണ്ടേ? താ​ത്ത ഇ​പ്പൊ വ​രും. താ​ത്താ​ക്ക് ചോ​റും കൂ​ട്ടാ​നും ഉ​ണ്ടാ​ക്ക​ണം. ഇ​ന്ജെ കു​ട്ടി വേ​ഗം നീ​ച്ച്‌...’ ര​ണ്ടാ​മ​ത്ത​വ​ൾ ആ​യ​തോ​ണ്ട് വി​ളി​യി​ൽ ചെ​റി​യൊ​രു മ​യ​മു​ണ്ടാ​വും. ഇ​നി അ​ഫ്ര മോ​ളെ, എ​ണീ​പ്പി​ക്ക​ണം, പ​ല്ല് തേ​പ്പി​ക്ക​ണം, കു​ളി​പ്പി​ക്ക​ണം, മാ​റ്റി​ക്കൊ​ടു​ക്ക​ണം, ചാ​യീം ക​ടീം കൊ​ടു​ക്ക​ണം

തി​ന്ന്ക്ക്ണോ​ന്ന് നോ​ക്ക​ണം. അ​ങ്ങ​നെ എ​ന്തൊ​ക്കെ പ​ണി​ക​ളാ...

എ​ത്ര പ​റ​ഞ്ഞാ​ലും ഒ​ന്നും തി​ന്നൂ​ല. ഒ​രു തു​ള്ളി ചാ​യ കു​ടി​ച്ച് ഒ​റ്റ മ​ണ്ട​ലാ​ണ്. അ​തി​മ്മെ ത​ന്നെ സ്‌​കൂ​ൾ​ക്കും പോ​വും. ബീ​വി ആ​രോ​ടെ​ന്നി​ല്ലാ​തെ പ​റ​ഞ്ഞു കൊ​ണ്ടി​രു​ന്നു....

‘വേ​ഗം നീ​ച്ച്‌ ഇ​ന്ജെ കു​ട്ടി. താ​ത്ത ഇ​പ്പൊ മ​ദ്ര​സ വി​ട്ട് വ​രും... ഒ​രാ​ൾ ഏ​ഴ​ര​ക്ക് മ​ദ്റ​സ വി​ട്ട് വ​രു​മ്പോ​ഴേ​ക്ക് ഒ​രാ​ളെ മ​ദ്ര​സ​യി​ലേ​ക്ക് പോ​വാ​ൻ ഒ​രു​ക്ക​ണം. അ​ത് ക​ഴി​ഞ്ഞ് പി​ന്നെ, പി​ന്നെ ചെ​റി​യ മോ​ൻ നാ​ലു വ​യ​സു​കാ​ര​ൻ സു​ട്ടു​നെ എ​ണീ​പ്പി​ക്ക​ണം. അ​ത് ക​ഴി​യു​മ്പോ​ഴേ​ക്ക് കു​ട്ടി​ക​ൾ മ​ദ്ര​സ​വി​ട്ട് വ​രും. അ​ത്‌ ക​ഴി​ഞ്ഞ് സ്‌​കൂ​ൾ വ​ണ്ടി. അ​ങ്ങ​നെ അ​ങ്ങ​നെ... വ​ർ​ത്താ​നം പ​റ​യാ​ൻ സ​മ​യ​മി​ല്ല. ഇ​ങ്ങ​ള് കൊ​റ​ച്ച് ക​യി​ഞ്ഞു വി​ളി​ക്ക്‌...’

‘ശ​രി ഷി​ബൂ... നീ ​ഫ്രീ ആ​വു​മ്പൊ വി​ളി’

ഞാ​ൻ പ​തി​യെ ഫോ​ൺ ക​ട്ട് ചെ​യ്തു ക​മ്പ്യൂ​ട്ട​റി​​ന്റെ സ്ക്രീ​നി​ൽ ത​ന്നെ നോ​ക്കി​യി​രു​ന്നു.

സൗദിയിലെ പ്രവാസി മലയാളികളുടെ

രചനകൾ (ലേഖനം, അനുഭവക്കുറിപ്പുകൾ,

കവിത, ചെറുകഥ, വരകൾ, യാത്രാവിവരണം

തുടങ്ങിയവ) പ്രസിദ്ധീകരിക്കുന്നതിനുള്ള

ഇടമാണ്​ ആർട്​സ്​ ക്ലബ്​. രചനകൾ

അയക്കേണ്ട വിലാസം

saudiinbox@gulfmadhyamam.net