പൃഥ്വിരാജ് ചിത്രം 'കോള്‍ഡ് കേസ്' ന്‍റെ ടീസർ ആമസോണ്‍ പ്രൈം പുറത്ത് വിട്ടു. ഈ മാസം 30നാണ് ചിത്രം റിലീസ് ചെയ്യുന്നത്. ഒ.ടി.ടി പ്ലാറ്റ് ഫോമിൽ റിലീസ് ചെയ്യുന്ന ആദ്യ പൃഥ്വിരാജ് ചിത്രം കൂടിയാണിത്.സസ്പെൻസും ത്രില്ലറും നിറഞ്ഞതാണ് പുറത്ത് വന്ന ടീസർ.
ഛായാഗ്രാഹകനും പരസ്യചിത്ര സംവിധായകനുമായ തനു ബാലക് ആദ്യമായി സംവിധാനം ചെയ്യുന്ന ചിത്രമാണ് കോള്‍ഡ് കേസ്. പൃഥ്വിരാജ് വീണ്ടും പൊലീസ് വേഷത്തിലെത്തുന്ന ചിത്രമാണിത്. എ.സി.പി സത്യജിത് എന്ന കഥാപാത്രമായാണ് പ്രിഥിരാജ് ചിത്രത്തില്‍ വേഷമിടുന്നത്.അതിഥി ബാലന്‍ ആണ് ചിത്രത്തില്‍ നായിക.
സാമ്പത്തിക പ്രതിസന്ധിയെ തുടര്‍ന്ന് താന്‍ നിര്‍മ്മിക്കുന്ന കോള്‍ഡ് കേസ്, മാലിക് എന്നീ ചിത്രങ്ങള്‍ ഒ.ടി.ടിയില്‍ റിലീസ് ചെയ്യുകയാണെന്ന് നിര്‍മ്മാതാവ് ആന്റോ ജോസഫ് ഫിലിം എക്‌സിബിറ്റേഴ്‌സിന് കത്ത് നല്‍കിയിരുന്നു. ഇതിന് പിന്നാലെയാണ് കോള്‍ഡ് കേസിന്‍റെ റിലീസ് തിയതി മാറ്റിയത്.
ആേന്‍റാ ജോസഫ്, ജോമോന്‍ ടി ജോണ്‍, ഷമീര്‍ മുഹമ്മദ് എന്നിവര്‍ ചേര്‍ന്നാണ് നിര്‍മ്മാണം. ശ്രീനാഥ് വി നാഥിന്‍റെതാണ് തിരക്കഥ. ഗിരീഷ് ഗംഗാധരനും ജോമോന്‍ ടി ജോണും ആണ് ഛായാഗ്രഹണം. സംഗീതം പ്രശാന്ത് അലക്സ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.