അ​ജ് യാ​ലി​ൽ കൈ​യ​ടി നേ​ടി പോ​ളി​ന്റെ ആ​ൽ​ക്ക​ലൈ​ൻ

ദോ​ഹ: അ​റ​ബി​യും ഇം​ഗ്ലീ​ഷും ഫ്ര​ഞ്ചും സ്പാ​നി​ഷും ഉ​ൾ​പ്പെ​ടെ നി​ര​വ​ധി ഭാ​ഷ​ക​ൾ​ക്കി​ട​യി​ൽ അ​ജ് യാ​ൽ ച​ല​ച്ചി​ത്ര പ്ര​ദ​ർ​ശ​ന​ങ്ങ​ളു​ടെ വേ​ദി​യി​ൽ ന​മ്മു​ടെ പ​ച്ച മ​ല​യാ​ള​വും നി​റ​ഞ്ഞോ​ടി​യ ദി​നം.

മേ​ള​യു​ടെ അ​ഞ്ചാം ദി​നം ക​താ​റ​യി​ലെ ​ഡ്രാ​മ തി​യ​റ്റ​റി​ലാ​യി​രു​ന്നു വ്യ​ത്യ​സ്ത രാ​ജ്യ​ക്കാ​രാ​യ സി​നി​മാ ആ​സ്വാ​ദ​ക‌​ർ​ക്ക് മു​ന്നി​ൽ നി​റ​ഞ്ഞ കൈ​യ​ടി​ക​ളോ​ടെ മ​ല​യാ​ളി​യാ​യ പോ​ൾ എ​ബ്ര​ഹാ​മി​ന്റെ ‘ആ​ൽ​ക്ക​ലൈ​ൻ’ പ്ര​ദ​ർ​ശി​പ്പി​ച്ച​ത്. 18 മി​നി​റ്റ് ദൈ​ർ​ഘ്യ​മു​ള്ള ചി​ത്രം മെ​യ്ഡ് ഇ​ൻ ഖ​ത്ത​ർ വി​ഭാ​ഗ​ത്തി​ൽ പ്ര​ദ​ർ​ശി​പ്പി​ച്ച​പ്പോ​ൾ കാ​ഴ്ച​ക്കാ​രു​ടെ കൈ​യ​ടി​യും നേ​ടി.

സ്വ​ന്തം ആ​രോ​​ഗ്യ പ്ര​ശ്ന​ങ്ങ​ളി​ൽ നി​ന്ന് പ്ര​കൃ​തി​വാ​ദി​യാ​യ അ​ച്ഛ​ൻ, താ​ൻ ആ​രോ​​ഗ്യ​ത്തോ​ടെ ഇ​രി​ക്കു​ന്ന​തു​പോ​ലെ ത​ന്റെ മ​ക്ക​ളും ആ​രോ​​ഗ്യ​വാ​ന്മാ​രാ​യി​രി​ക്കാ​ൻ ന​ട​ത്തു​ന്ന ശ്ര​മ​ങ്ങ​ളാ​ണ് ചി​ത്ര​ത്തി​ന്റെ പ്ര​മേ​യം.

അ​ച്ഛ​ന്റെ ഇ​ഷ്ട​ങ്ങ​ൾ ത​ന്നി​ലേ​ക്ക് പ​ക‌​ർ​ന്നു​ന​ൽ​കാ​ൻ ശ്ര​മി​ക്കു​മ്പോ​ൾ മ​ക​ന് ഉ​ണ്ടാ​കു​ന്ന ചി​ന്ത​ക​ളും ആ​ശ​ങ്ക​ക​ളും സം​വി​ധാ​യ​ക​ൻ ദൃ​ശ്യ​വ​ത്ക​രി​ക്കു​ന്നു. പി​താ​വും മ​ക​നു​മാ​യി സം​വി​ധാ​യ​ക​ൻ പോ​ൾ എ​ബ്ര​ഹാ​മും അ​ച്ഛ​ൻ സാ​ജു​വും ത​ന്നെ​യാ​ണ് വേ​ഷ​മി​ട്ടി​രി​ക്കു​ന്ന​ത്.

അ​ച്ഛ​നും മ​ക​നും മാ​ത്ര​മാ​ണ് സി​നി​മ​യി​ൽ ക​ഥാ​പാ​ത്ര​ങ്ങ​ളാ​യു​ള്ള​ത്. നി​ല​ത്തി​രു​ന്ന് വാ​ഴ​യി​ൽ ഭ​ക്ഷ​ണം ക​ഴി​ക്കു​ക, പ​ര​മ്പ​രാ​ഗ​ത പ​ൽ​പൊ​ടി ഉ​പ​യോ​​ഗി​ച്ച് പ​ല്ലു തേ​ക്കു​ക, കു​ള​ത്തി​ലെ വെ​ള്ള​ത്തി​ൽ മു​ങ്ങി കു​ളി​ക്കു​ക, സ്വ​ന്തം കൃ​ഷി​യി​ട​ത്തി​ൽ നി​ന്നു​ത​ന്നെ വി​ള​ക​ൾ എ​ടു​ത്ത് ആ​ഹാ​ര​മാ​ക്കു​ക ഇ​ങ്ങ​നെ നീ​ളു​ന്നു പി​താ​വി​ന്റെ ആ​രോ​​ഗ്യ ചി​ട്ട​ക​ൾ. ​

ദോ​ഹ​യി​ൽ ജോ​ലി​ക്കാ​യി പോ​കു​മ്പോ​ഴും മ​ക​ൻ ഈ ​ശീ​ല​ങ്ങ​ൾ എ​ല്ലാം പാ​ലി​ക്കു​മോ എ​ന്ന പി​താ​വി​ന്റെ ആ​കു​ല​ത. അ‍ച്ഛ​ന് പൂ‌​ർ​വ​കാ​ല​ത്ത് ഉ​ണ്ടാ​കു​ന്ന ഹൃ​​ദ്രോ​​ഗ ശേ​ഷ​മാ​ണ് ചി​ട്ട​യാ​യ ആ​രോ​​ഗ്യ ശീ​ല​ങ്ങ​ളി​ലേ​ക്ക് എ​ത്തു​ന്ന​ത്. ഈ ​ചി​ട്ട​ക​ൾ പി​ൻ​പ​റ്റി​യി​ല്ലെ​ങ്കി​ൽ ത​നി​ക്കും രോ​​ഗം വ​ന്നേ​ക്കാം എ​ന്ന മ​ക​ന്റെ ആ​ശ​ങ്ക​യും സി​നി​മ​യി​ൽ പ്ര​തി​പാ​ദി​ക്കു​ന്നു.

ചി​ത്രം മു​ഴു​വ​നും മ​ല​യാ​ള​ത്തി​ലാ​ണ് സം​ഭാ​ഷ​ണ​ങ്ങ​ൾ ക്ര​മീ​ക​രി​ച്ചി​രി​ക്കു​ന്ന​ത്. ക​താ​റ​യി​ൽ ഇം​​ഗ്ലീ​ഷി​ലും അ​റ​ബി​യി​ലും സ​ബ്ടൈ​റ്റി​ലോ​ടെ ചി​ത്രം പ്ര‍ദ‌​ർ​ശി​പ്പി​ച്ച​പ്പോ​ൾ അ​ച്ഛ​ൻ–​മ​ക​ൻ ബ​ന്ധ​ത്തി​ൽ ചാ​ലി​ച്ച ക​ഥ പു​റം​രാ​ജ്യ​ക്കാ​രും നെ​ഞ്ചി​ലേ​റ്റി. ‘ആ​ൽ​ക്ക​ലൈ​ൻ’ വെ​ള്ളി​യാ​ഴ്ച ദോ​ഹ ഫെ​സ്റ്റി​വ​ൽ സി​റ്റി​യി​ലെ വോ​ക്സ് സി​നി​മ​യി​ലും പ്ര​ദ​ർ​ശി​പ്പി​ക്കു​ന്നു​ണ്ട്.

പ്ര​ദ​ർ​ശ​ന ശേ​ഷം പോ​ൾ എ​ബ്ര​ഹാ​മും പി​ന്ന​ണി പ്ര​വ​ർ​ത്ത​ക​രും ഓ​പ​ൺ ഫോ​റ​ത്തി​ൽ പ​​ങ്കെ​ടു​ത്ത് കാ​ഴ്ച​ക്കാ​രു​മാ​യി സം​വ​ദി​ച്ചു. കേ​ര​ള​ത്തി​ന്റെ പ​ച്ച​പ്പും സ്വ​ന്തം നാ​ടി​ന്റെ കാ​ഴ്ച​ക​ളും അ​റ​ബ് ലോ​ക​ത്തെ പ്രേ​ക്ഷ​ക​രി​ലേ​ക്ക് എ​ത്തി​ക്കാ​നു​ള്ള അ​വ​സ​ര​മാ​യി​രു​ന്നു ഇ​തെ​ന്ന് പോ​ൾ എ​ബ്ര​ഹാം പ്ര​ദ​ർ​ശ​ന ശേ​ഷം ‘ഗ​ൾ​ഫ് മാ​ധ്യ​മ’​ത്തോ​ട് പ​റ​ഞ്ഞു. സം​വി​ധാ​ന​ത്തി​ൽ ഒ​പ്പ​മു​ണ്ടാ​യി​രു​ന്ന ഖ​ത്ത​രി ച​ല​ച്ചി​ത്ര പ്ര​വ​ർ​ത്ത​ക​ൻ അ​ബ്ദു​ല്ല അ​ൽ ഹോ​റി​ന് ന​ന്ദി​യും അ​റി​യി​ച്ചു.