മലയാളത്തിലെ മികച്ച ആക്ഷൻ കൂട്ടുകെട്ടായ ജോഷിയും മോഹൻലാലും ഒരു ഇടവേളക്ക് ശേഷം ഒന്നിക്കുന്ന ചിത്രമാണ് റംബാൻ. ചിത്രത്തിന്റെ ടൈറ്റിൽ പോസ്റ്റർ പുറത്തുവിട്ട് അണിയറപ്രവർത്തകർ. കൈയിൽ ചുറ്റികയും തോക്കുമേന്തി നിൽക്കുന്ന മോഹൻലാലാണ് പോസ്റ്ററിലുള്ളത്. ഒരു മുഴുനീള ആക്ഷൻ ചിത്രമായിരിക്കും റംബാൻ എന്നാണ് വിവരം.
എട്ടു വർഷത്തെ ഇടവേളക്കു ശേഷമാണ് മോഹൻലാൽ-ജോഷി ചിത്രമൊരുങ്ങുന്നത്. നിരവധി പ്രത്യേകതകളും കൗതുകങ്ങളും കോർത്തിണക്കിയുള്ള ഈ ചിത്രത്തിന് തിരക്കഥ ഒരുക്കുന്നത് ചെമ്പൻ വിനോദ് ജോസാണ്. ചെമ്പോക്കി മോഷൻ പിക്ച്ചേഴ്സ്, ഐൻസ്റ്റിൻ മീഡിയാ പ്രസന്റ്സ് നെക്ക് സ്റ്റൽ സ്റ്റുഡിയോസ് എന്നീ ബാനറുകളിൽ ചെമ്പൻ വിനോദ് ജോസ്, ഐൻസ്റ്റിൻ സാക് പോൾ, ശൈലേഷ്.ആർ. സിങ് എന്നിവർ ചേർന്നാണ് ഈ ചിത്രം നിർമ്മിക്കുന്നത്. വലിയ മുടക്കുമുതലിൽ ഒരുക്കുന്ന ഒരു പാൻ ഇൻഡ്യൻ ചിത്രമായിരിക്കുമിത്.
മലയാളത്തിനു പുറമേ അന്യഭാഷതാരങ്ങളും ചിത്രത്തിൽ ഉണ്ടായിരിക്കുമെന്നാണ് റിപ്പോർട്ട്. സായ്കുമാർ - ബിന്ദു പണിക്കർ ദമ്പതിമാരുടെ മകൾ കല്യാണിയാണ് ചിത്രത്തിലെ നായിക. ഓസ്ട്രേലിയായിൽ വിദ്യാഭ്യാസം പൂർത്തിയാക്കിയാണ് കല്യാണി പണിക്കർ അഭിനയരംഗത്തെത്തുന്നത്.
സമീർ താഹിറാണ് ഛായാഗ്രഹണം നിർവഹിക്കുന്നത്. വിഷ്ണു വിജയ്ന്റെയാണ് സംഗീതം. എഡിറ്റിംഗ് വിവേക് ഹർഷൻ, മേക്കപ്പ് റോണക്സ് സേവ്യർ.
2015 ല്‍ റിലീസ് ചെയ്ത 'ലൈല ഒ ലൈല' ആയിരുന്നു മോഹൻലാൽ- ജോഷി കൂട്ടുകെട്ടിൽ പുറത്തിറങ്ങിയ അവസാന ചിത്രം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.