തലമുറ വ്യത്യാസമില്ലാതെ ആരാധകർ നെഞ്ചിലേറ്റുന്ന മോഹൻലാൽ ചിത്രമാണ് യോദ്ധ. 1992 ൽ പുറത്തിറങ്ങിയ ചിത്രത്തിന് ഇന്നും കാഴ്ചക്കാരോറെയാണ്. അശോകേട്ടനും അപ്പുക്കുട്ടനും ഉണ്ണിക്കുട്ടനുമൊല്ലാം ഇന്നും പ്രേക്ഷകരുടെ ഇടയിൽ ചർച്ചയാവാറുണ്ട്.
ഇപ്പോൾ സോഷ്യൽ മീഡിയയിൽ ഇടംപിടിക്കുന്നത് യോദ്ധയുടെ രണ്ടാംഭാഗത്തെ കുറിച്ചുള്ള ചർച്ചയാണ്. മോഹൻലാൽ പങ്കുവെച്ച പുതിയ ചിത്രമാണ് ചർച്ചക്ക് അടിസ്ഥാനം. 'പഴയ അശോകേട്ടനും പുതിയ ഉണ്ണിക്കുട്ടനും' എന്ന കുറിപ്പോടെ നടൻ ഒരു ചിത്രം സോഷ്യൽ മീഡിയ പേജിൽ പോസ്റ്റ് ചെയ്തിരുന്നു. മോഹൻലാലിന്റെ സുഹൃത്ത് സമീർ ഹംസ പകർത്തിയ ചിത്രമാണിത്. ഈ ചിത്രം യോദ്ധ 2 ന്റെ സൂചനയാണോ നൽകുന്നതെന്നാണ് ആരാധകർ ചോദിക്കുന്നത്.
അശോകേട്ടനല്ല, അക്കോസേട്ടൻ ആണെന്ന് മോഹൻലാലിനെ തിരുത്തുന്നതിനൊപ്പം പുതിയ ഉണ്ണിക്കുട്ടൻ ആരെണെന്നും ആരാധകർ ചോദിക്കുന്നുണ്ട്.
ലൂസിഫറിന്റെ രണ്ടാംഭാഗമാണ് മോഹൻലാലിന്റേതായി അണിയറയിൽ ഒരുങ്ങുന്ന ചിത്രം. നടൻ പൃഥ്വിരാജ് സംവിധാനം ചെയ്യുന്ന ചിത്രത്തിന്റെ ചിത്രീകരണം ആരംഭിച്ചിട്ടുണ്ട്. രജനികാന്ത് ചിത്രമായ ജയിലറിലാണ് മോഹൻലാൽ ഏറ്റവും ഒടുവിൽ എത്തിയത്.
നേപ്പാളിന്‍റെ പശ്ചാത്തലത്തില്‍ ഒരുക്കിയ യോദ്ധയിൽ മോഹന്‍ലാല്‍, ജഗതി ശ്രീകുമാര്‍, സിദ്ധാര്‍ഥ് ലാമ, മധുബാല, ഉര്‍വശി തുടങ്ങിയവരാണ് പ്രധാന വേഷത്തിലെത്തിയത്. എ.ആര്‍ ആദ്യമായി സംഗീതം ഒരുക്കിയ ചിത്രം കൂടിയായിരുന്നു യോദ്ധ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.