മികച്ച ഒരുപടി ചിത്രങ്ങളാണ് 2024ന്റെ തുടക്കത്തിൽ തിയറ്ററുകളിലെത്തിയത്. മലയാള ചിത്രങ്ങൾക്ക് മാത്രമല്ല അന്യഭാഷ സിനിമകൾക്കും മികച്ച സ്വീകാര്യത ലഭിച്ചിരുന്നു. പോയമാസത്തെ(ജനുവരി) ജനപ്രിയതാരങ്ങളുടെ ലിസ്റ്റ് പുറത്തുവിട്ടിരിക്കുകയാണ് ഓർമാക്സ് മീഡിയ.
പുറത്തുവന്ന റിപ്പോർട്ട് പ്രകാരം നടന്മാരിൽ ആദ്യസ്ഥാനം മോഹൻലാൽ ആണ്. രണ്ടാം സ്ഥാനത്താണ് മമ്മൂട്ടി. മൂന്നാം സ്ഥാനത്ത് ഫഹദ് ഫാസിലാണ്. നാലും അഞ്ചും സ്ഥാനങ്ങളിൽ ടൊവിനോ തോമസും പൃഥ്വിരാജുമാണ് ഇടംപിടിച്ചിരിക്കുന്നത്.
ദുൽഖർ സൽമാൻ ഈ ലിസ്റ്റിൽ നിന്ന് പുറത്തുപോയിട്ടുണ്ട്. ഡിസംബറിൽ ഓർമാക്സ് മീഡിയ പുറത്തുവിട്ട റിപ്പോർട്ടിൽ അഞ്ചാം സ്ഥാനത്ത് ദുൽഖർ സൽമാനായിരുന്നു. ഡിസംബറിൽ മൂന്നാം സ്ഥാനത്തായിരുന്നു ടൊവിനോ തോമസ്. നാലാം സ്ഥാനത്തായിരുന്നു ഫഹദ് ഫാസിൽ.
നടിമാരുടെ പട്ടികയിൽ ആദ്യസ്ഥാനത്ത് മഞ്ജു വാര്യരാണ്. രണ്ടാം സ്ഥാനത്ത് ഐശ്വര്യ ലക്ഷ്മിയും മൂന്നാം സ്ഥാനത്ത് ശോഭനയുമാണ്. നാലും അഞ്ചും സ്ഥാനത്ത് കല്യാണിയും നിഖില വിമലുമാണ് ഇടംപിചിച്ചിരിക്കുന്നത്. മുമ്പ് രണ്ടാം സ്ഥാനത്തായിരുന്നു കല്യാണി പ്രിയദർശൻ. മൂന്നാം സ്ഥാനത്ത് ശോഭനയുമായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.