പുതിയ രാഷ്ട്രീയ പാർട്ടി സംബന്ധിച്ച പ്രഖ്യാപനം ഉടൻ നടത്താനിരിക്കേ, മൂത്ത സഹോദരെൻറ അനുഗ്രഹം തേടി തമിഴ് സൂപ്പർതാരം രജനികാന്ത്. ഞായറാഴ്ച മൂത്ത സഹോദരൻ സത്യനാരായണ റാവുവിനെ ബംഗളൂരുവിലെ വസതിയിലെത്തി സന്ദർശിച്ചാണ് രജനീകാന്ത് അനുഗ്രഹം വാങ്ങിയത്. രജനി സഹോദരെൻറ കാലിൽ വീണ് അനുഗ്രഹം വാങ്ങുന്നതിെൻറയും സഹോദരൻ അദ്ദേഹത്തെ പൊന്നാടയണിയിച്ച് ആദരിക്കുന്നതിെൻറയുമെല്ലാം ചിത്രങ്ങൾ ആവേശത്തോടെയാണ് ആരാധകർ ഏറ്റെടുത്തിരിക്കുന്നത്.
രാഷ്ട്രീയത്തിൽ പ്രവേശിക്കാൻ തീരുമാനിക്കാനിടയായ സാഹചര്യങ്ങളും മറ്റും രജനി സഹോദരനോട് വിശദീകരിച്ചതായി അദ്ദേഹവുമായി അടുത്ത വൃത്തങ്ങൾ പറയുന്നു. ഞായറാഴ്ച രാത്രി ബംഗളൂരുവിലെ വസതിക്ക് മുന്നിൽ രജനിയെ കാണാൻ നൂറുകണക്കിന് ആരാധകരാണ് തടിച്ചുകൂടിയത്. ബാൽക്കണിയിലേക്ക് വന്ന രജനി ആരാധകർക്കുനേരെ കൈ കൂപ്പുകയും കൈവീശി കാണിക്കുകയും ചെയ്തു. 2021 ജനുവരിയിൽ പുതിയ രാഷ്ട്രീയ പാർട്ടി തുടങ്ങുമെന്നും അതിെൻറ പ്രാഥമിക പ്രഖ്യാപനം ഡിസംബർ 31ന് നടത്തുമെന്നും കഴിഞ്ഞയാഴ്ചയാണ് രജനി വെളിപ്പെടുത്തിയത്.
സാധ്യമായ സേവനങ്ങളെല്ലാം ജനങ്ങൾക്കുവേണ്ടി ചെയ്യാനാണ് താൻ രാഷ്്ട്രീയത്തിൽ പ്രവേശിക്കുന്നതെന്നും രാഷ്ട്രീയത്തിലെ വിജയമെന്നാൽ ജനങ്ങളുെട വിജയമാണെന്നുമാണ് അദ്ദേഹം പറഞ്ഞത്. അതേസമയം, രജനിയുടെ പുതിയ സിനിമയായ 'അണ്ണാത്തെ'യുടെ ചിത്രീകരണം 2021െൻറ തുടക്കത്തിൽ പുനരാരംഭിക്കും. സിരുതായ് ശിവ സംവിധാനം ചെയ്യുന്ന സിനിമയുടെ ചിത്രീകരണം ഹൈദരാബാദിലെ റാമോജി ഫിലിം സിറ്റിയിലാണ് നടക്കുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.