കുഞ്ചാക്കോ ബോബന്‍ ആദ്യമായി തമിഴിൽ അഭിനയിക്കുന്ന 'രണ്ടകം' സിനിമയുടെ ടീസർ പുറത്തിറങ്ങി. അരവിന്ദ് സ്വാമിയാണ് സിനിമയിലെ മറ്റൊരു കേന്ദ്ര കഥാപാത്രം. 'ഒറ്റ്' എന്ന പേരില്‍ ചിത്രം മലയാളത്തിലും റിലീസ് ചെയ്യും. കാൽ നൂറ്റാണ്ടിനുശേഷമാണ് അരവിന്ദ് സ്വാമി മലയാള സിനിമയില്‍ അഭിനയിക്കുന്നത്.
ബോളിവുഡ് താരം ജാക്കി ഷ്രോഫും സുപ്രധാന കഥാപാത്രത്തെ അവതരിപ്പിക്കുന്നുണ്ട്. ഈഷ റെബ്ബയാണ് നായിക. 'തീവണ്ടി' സിനിമയിലൂടെ ശ്രദ്ധേയനായ ടി.പി ഫെല്ലിനിയാണ് സംവിധായകന്‍. ദി ഷോ പീപ്പിളിന്‍റെ ബാനറില്‍ തമിഴ് താരം ആര്യയും ഓഗസ്റ്റ് സിനിമാസിന്‍റെ ബാനറില്‍ ഷാജി നടേശനും ചേര്‍ന്നാണ് ചിത്രം നിര്‍മ്മിക്കുന്നത്. എ.എച്ച്. കാശിഫാണ് സംഗീതം ഒരുക്കുന്നത്. ഛായാഗ്രാഹണം വിജയ് നിര്‍വ്വഹിച്ചിരിക്കുന്നു.
അപ്പു ഭട്ടതിരിയാണ് എഡിറ്റിങ്. 'കുറുപ്പി'ലൂടെ ശ്രദ്ധേയനായ ഷനീം സഈദ് ആണ്കാസ്റ്റിങ് ഡയറക്ടർ. ഷനീം കാസ്റ്റിങ് ഡയറക്ടർ ആകുന്ന ആദ്യ തമിഴ് സിനിമയാണിത്. വസ്ത്രാലങ്കാരം: സ്റ്റെഫി സേവ്യർ, മേക്കപ്പ്: റോണക്സ് സേവ്യർ, സൗണ്ട് ഡിസൈനർ-രംഗനാഥ് രവി, പ്രൊഡക്ഷന്‍ കണ്‍ട്രോളര്‍: സുനിത് ശങ്കർ, ലൈന്‍ പ്രൊഡ്യൂസര്‍: മിഥുന്‍ എബ്രഹാം, പി.ആർ.ഒ എ.എസ് ദിനേശ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.