ഇന്ത്യൻ സിനിമയിലെ ക്രോണിക് ബാച്ചിലറാണ് സൽമാൻ ഖാൻ. ബോളിവുഡിലെ ഒട്ടുമിക്ക താരറാണിമാർക്കൊപ്പവും സൽമാന്റെ പേര് വാർത്തകളിൽ ഇടംപിടിച്ചിരുന്നു. ഇപ്പോഴും ബാച്ചിലറായി തുടരുന്ന സൽമാന്റെ ആദ്യ ക്രഷ് അദ്ദേഹത്തിന്റെ സ്കൂൾ ടീച്ചർ ആണ്. ബോളിവുഡ് മാധ്യമത്തിന് നൽകിയ അഭിമുഖത്തിലാണ് നടൻ ഇക്കാര്യം പറഞ്ഞത്.
സൈക്കിളിൽ അധ്യാപികയുടെ വീട്ടിൽ പോകുമായിരുന്നു. പിന്നീട് ടീച്ചർ സുഖമായി ഇരിക്കാൻ വേണ്ടി കരിയർ പോലും ഉപേക്ഷിച്ചു- സൽമാൻ മുൻപ് നൽകിയ അഭിമുഖത്തിൽ പറഞ്ഞു. അധ്യാപകദിനത്തോട് അനുബന്ധിച്ചാണ് നടന്റെ വാക്കുകൾ വീണ്ടും ഇടംപിടിക്കുന്നത്.
സാജിദ് നാദിയാദ് സംവിധാനം ചെയ്യുന്ന ആക്ഷൻ കോമഡി ചിത്രം കഭി ഈദ് കഭി ദീവാലിയാണ് പുറത്ത് വരാൻ തയാറെടുക്കുന്ന നടന്റെ ഏറ്റവും പുതിയ ചിത്രം. യഷ് രാജ് ഫിലിംസിന്റെ ടൈഗർ 3, ലൂസിഫറിന്റെ തെലുങ്ക് പതിപ്പ് ഗോഡ്ഫാദർ തുടങ്ങിയവയാണ് മറ്റു ചിത്രങ്ങൾ. ഷാരൂഖ് ഖാൻ ചിത്രമായ പത്താനിലും നടൻ അതിഥി വേഷത്തിൽ എത്തുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.