കൈദി, മാനഗരം തുടങ്ങിയ സിനിമകളിലൂടെ ശ്രദ്ധേയനായ ലോകേഷ് കനകരാജ് രചനയും സംവിധാനവും നിർവ്വഹിച്ച് റിലീസിനൊരുങ്ങുന്ന തമിഴ് ആക്ഷൻ-ത്രില്ലർ ചലച്ചിത്രമായ 'മാസ്റ്ററി'െൻറ ടീസർ പുറത്തിറക്കി. വിജയ് നായകനാകുന്ന ഈ ചിത്രത്തിൽ വിജയ് സേതുപതിയും അഭിനയിക്കുന്നുണ്ട്. ഇരുവരും ഒന്നിച്ചഭിനയിക്കുന്ന ആദ്യ ചിത്രമാണിത്.
സേവ്യർ ബ്രിട്ടോ നിർമ്മിക്കുന്ന ഈ ചിത്രത്തിൽ നാസർ,അർജുൻ ദാസ്, ശന്തനു ഭാഗ്യരാജ്, മാളവിക മോഹനൻ, ആൻഡ്രിയ ജെർമിയ എന്നിവരും നിർണ്ണായക വേഷങ്ങൾ കൈകാര്യം ചെയ്യുന്നു. സത്യൻ സൂര്യൻ ക്യാമറ ചലിപ്പിക്കുന്ന ഈ ചിത്രത്തിന് വേണ്ടി ചിത്രസംയോജനം നിർവഹിക്കുന്നത് ഫിലോമിൻ രാജാണ്.
അനിരുദ്ധ് രവിചന്ദറാണ് ഈ ചിത്രത്തിെൻറ സംഗീതവും, പശ്ചാത്തല സംഗീതവും ഒരുക്കിയിരിക്കുന്നത്. വിജയ് തന്നെ നായകനായ കത്തി എന്ന ചിത്രത്തിെൻറയും സംഗീത സംവിധാനം നിർവഹിച്ചത് അനിരുദ്ധ് രവിചന്ദറായിരുന്നു. 100 കോടി രൂപയാണ് ചിത്രത്തിെൻറ ബജറ്റ്. ഈ വർഷം ഏപ്രിൽ ഒമ്പതിനായിരുന്നു ചിത്രത്തിെൻറ റിലീസ് തീരുമാനിച്ചിരുന്നത്. ലോകമാകെ പടർന്നു പിടിച്ച കൊറോണ വൈറസിെൻറ പശ്ചാത്തലത്തിൽ ഈ ചിത്രത്തിന്റെ റിലീസ് മാറ്റി വെക്കുകയായിരുന്നു. ഒ ടി ടി റിലീസിലൂടെയും പുറത്തിറക്കുന്ന ചിത്രത്തിെൻറ പ്രക്ഷേപണ അവകാശം സൺ ടിവിയും ഡിജിറ്റൽ അവകാശങ്ങൾ ആമസോൺ പ്രൈം വീഡിയോയും സ്വന്തമാക്കി.
ചെന്നൈ, ഡൽഹി, ശിവമോഗ തുടങ്ങിയ സ്ഥലങ്ങളിലായിരുന്നു ചിത്രത്തിെൻറ ലൊക്കേഷനുകൾ. ഹിന്ദി, മലയാളം, കന്നഡ ഭാഷകളിൽ പുറത്തിറങ്ങുന്ന ആദ്യത്തെ വിജയ് ചിത്രം കൂടിയാണിത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.