ദേശീയതലത്തിൽ ശ്രദ്ധിക്കപ്പെട്ട ‘മക്കന’ക്ക് ശേഷം റഹീം ഖാദർ രചനയും സംവിധാനവും നിർവഹിക്കുന്ന വനിതയുടെ ഫസ്റ്റ് ലുക്ക് പോസ്റ്റർ എത്തി. ലെന കേന്ദ്ര കഥാപാത്രമാകുന്ന ചിത്രത്തിന്‍റെ ഫസ്റ്റ് ലുക്ക് പോസ്റ്റർ മലയാളത്തിലെ പ്രമുഖ വനിതാ താരങ്ങളാണ് പുറത്തിറക്കിയത്. 72 ഫിലിം കമ്പനി ജനുവരി 20ന് ചിത്രം തിയേറ്ററുകളിൽ എത്തിക്കും.
ലെനയെ കൂടാതെ സലിംകുമാർ, ശ്രീജിത്ത് രവി, കലാഭവൻ നവാസ്, നവാസ് വള്ളിക്കുന്ന്, സീമ ജി. നായർ, അഖിൽ പ്രഭാകർ, തൊമ്മൻ മാങ്കുളം, മിയ അഷറഫ്, ശ്രീജിത്ത് സത്യരാജ് തുടങ്ങിയവർ അഭിനയിക്കുന്നു.
മൂവി മേക്കറിന്റെ ബാനറിൽ ജബ്ബാർ മരക്കാരാണ് നിർമ്മാതാവ്. കോ പ്രൊഡ്യൂസർ: നിഷാദ് ഹംസ. പ്രൊഡക്ഷൻ ഡിസൈനർ: സമദ് ഉസ്മാൻ. ടി. മുഹമ്മദ് ഷമീർ ക്യാമറ കൈകാര്യം ചെയ്യുമ്പോൾ, മെൻഡോസ് ആൻറണി എഡിറ്റിങ് നിർവഹിക്കുന്നു. ബിജിബാൽ പശ്ചാത്തല സംഗീതം നിർവഹിക്കുന്ന ചിത്രത്തിന്‍റെ ഓഡിയോഗ്രാഫ് എം.ആർ. രാജകൃഷ്ണൻ നിർവഹിക്കുന്നു.
വിപിൻ തൊടുപുഴ മേക്കപ്പും അബ്ബാസ് പാണാവള്ളി വസ്ത്രാലങ്കാരവും മിൽട്ടൺ തോമസ് ആർട്ടിന്റെയും ചുമതല വഹിക്കുന്നു. പ്രൊഡക്ഷൻ മാനേജർ: സജീവ് കൊമ്പനാട്. പി.ആർ.ഒ: എം.കെ ഷെജിൻ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.