മനാമ: രാജ്യത്ത് 350 ഇനം പുതിയ മരുന്നുകൾക്ക് അനുമതി നൽകിയതായി നാഷനൽ ഹെൽത്ത് റെഗുലേറ്ററി അതോറിറ്റി സി.ഇ.ഒ ഡോ. മർയം അദ്ബി അൽ ജലാഹിമ അറിയിച്ചു. മരുന്നുകളുടെ രജിസ്ട്രേഷൻ നടപടിക്രമങ്ങൾ പൂർത്തിയാക്കുകയും അതനുസരിച്ച് അവ രാജ്യത്ത് വിൽപന നടത്തുന്നതിനുള്ള അനുമതി നൽകുകയും ചെയ്തു.
2023 പകുതി വരെയുള്ള കണക്കാണിത്. ഇതോടെ ബഹ്റൈനിൽ വിൽപനക്കും ഉപയോഗത്തിനും അനുമതിയുള്ള മരുന്നുകളുടെ എണ്ണം 3834 ആയി. എയ്ഡ്സ്, അർബുദം, വൃക്ക, ഹൃദയരോഗം, ഹോർമോൺ ചികിത്സ തുടങ്ങിയവക്കടക്കമുള്ള പുതിയ മരുന്നുകൾക്കാണ് അനുമതി.
പോയ വർഷം നിലവിലുള്ള മരുന്നുകളുടെ റീ രജിസ്ട്രേഷൻ അടക്കം 5878 മരുന്നുകൾക്ക് അനുമതി തേടി അപേക്ഷ ലഭിച്ചിരുന്നു. 38 ഫാർമസികൾക്ക് അനുമതി നൽകിയതായും അവർ അറിയിച്ചു. ഇതോടെ രാജ്യത്ത് മൊത്തം 411 ഫാർമസികളാണ് പ്രവർത്തിക്കുന്നത്. 2021നേക്കാൾ നാലു ശതമാനം വർധനയാണ് ഫാർമസികളുടെ എണ്ണത്തിലുണ്ടായിരിക്കുന്നത്. മെഡിക്കൽ ഉപകരണങ്ങൾ ഇറക്കുമതി ചെയ്യുന്നതിനായി 11,404 അപേക്ഷകളും ലഭിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.