മനാമ: വീടുകളില് നിന്ന് ആഭരണ മോഷണം നടത്തിയ പ്രതികളെ പൊലീസ് പിടികൂടി. അഞ്ച് പേരാണ് കേസുമായി ബന്ധപ്പെട്ട് പിടിയിലായത്. ഇവരില് രണ്ട് പേര് ഇറാന് വംശജരാണെന്ന് കുറ്റാന്വേഷണ വകുപ്പ് അറിയിച്ചു. വിലകൂടിയ വാച്ചുകളും ആഭരണങ്ങളുമാണ് ഇവര് കവര്ന്നത്. ഇതിന് ഏകദേശം 50,000 ദിനാര് വില വരുമെന്ന് കണക്കാക്കപ്പെടുന്നു. സൈക്കിളില് കറങ്ങി നിരീക്ഷിച്ച ശേഷം രണ്ടു പേര് മതില് കടന്ന് വീടിനുള്ളിൽ പ്രവേശിക്കും. ഇവർ മോഷണം നടത്തുകയും മറ്റ് മൂന്നു പേര് പുറത്ത് കാവല് നില്ക്കുകയും ചെയ്യുന്ന രീതിയാണ് തുടർന്നത്. വിവിധ പ്രദേശങ്ങളില് നിന്നുള്ള പരാതിയുടെ അടിസ്ഥാനത്തില് നടത്തിയ അന്വേഷണത്തിലാണ് പ്രതികളെ പിടികൂടിയത്. ഇവരെ റിമാ ൻറ് ചെയ്യാൻ പബ്ലിക് പ്രൊസിക്യൂട്ടര് ഉത്തരവിട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.