മനാമ: കണ്ണൂർ വിമാനത്താവളത്തിലേക്ക് ബഹ്റൈനിൽ നിന്ന് വിമാന സർവീസ് ആരംഭിക്കണമെന്ന് യാത്ര സമിതി പ്രമേയത്ത ിലൂടെ ആവശ്യപ്പെട്ടു. വിദേശ വിമാന കമ്പനികളും ഈ റൂട്ടിൽ സർവീസ് നടത്താൻ രംഗത്ത് വരണമെന്ന് സംഘടന അഭ്യർഥിച്ചു. ഇത ുസംബന്ധിച്ച് എല്ലാ പ്രമുഖ വിമാന കമ്പനികൾക്കും സന്ദേശങ്ങൾ അയച്ചിട്ടുണ്ട്. കണ്ണൂർ, കാസർകോട്, കോഴിക്കോട് ജില്ലകളിൽ നിന്നുള്ള ബഹ്റൈൻ പ്രവാസി മലയാളികൾക്ക് ഏറെ ഗുണം ചെയ്യുന്ന രൂപത്തിൽ നേരിട്ടോ കണക്ഷൻ ഫ്ലൈറ്റ് വഴിയോ യാത്ര സൗകര്യം ഒരുക്കണമെന്നാണ് ആവശ്യം. കേരള^കേന്ദ്ര സർക്കാറുകൾ ബഹ്റൈൻ സർവീസിനായി താൽപര്യം എടുക്കണം.
തിരുവനന്തപുരം, കൊച്ചി, കോഴിക്കോട്, കണ്ണൂർ വിമാനത്താവളങ്ങളെ ബന്ധിപ്പിച്ചു കൊണ്ട് ബഹ്റൈൻ സർവീസ് തുടങ്ങുന്നത് പരിഗണിക്കണം. കണ്ണൂർ വിമാനത്താവളത്തിലേക്ക് ബഹ്റൈനിൽ നിന്നും വിമാന സർവീസ് ഇല്ല എന്നത് ഇവിടുത്തെ പ്രവാസി സമൂഹത്തിെൻറ നിരാശക്ക് കാരണമായിട്ടുണ്ട്. കേരളത്തിലേക്കുള്ള എല്ലാ സെക്ടറുകളിലും തിരക്കു കൂടുമ്പോൾ നിരക്ക് കൂട്ടുക എന്ന പതിവ് രീതി ആവർത്തിക്കപ്പെടുന്നത് പുനഃപരിശോധിക്കണം. ശൈത്യകാല, ക്രിസ്മസ്, പുതുവത്സര അവധിക്കായി ഉയർന്ന ടിക്കറ്റ് നിരക്ക് നൽകിയാലേ കേരളത്തിൽ നിന്ന് ഗൾഫിലേക്കും തിരിച്ചും യാത്ര ചെയ്യാനാകൂ. നിരക്ക് രണ്ടും മൂന്നും ഇരട്ടി വർധിപ്പിച്ച് പ്രവാസികളെ പിഴിയുന്നത് ഒഴിവാക്കണമെന്ന് യാത്ര സമിതി ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.