പൊതുമുതല് സംരക്ഷിക്കുന്നതിനും സുതാര്യമായ പ്രവര്ത്തനം ഉറപ്പാക്കുന്നതിനുമുള്ള നിര്ദേശങ്ങള് അടിയന്തി രമായി പരിഗണിച്ച് നടപടി സ്വീകരിക്കും
മനാമ: നാഷനല് ഓഡിറ്റ് റിപ്പോര്ട്ടിെൻറ അടിസ്ഥാനത്തില് തുടര് ന ടപടികളുണ്ടാകുമെന്ന് കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിന്സ് സല്മാന് ബിന് ഹമദ് ആല് ഖലീഫ വ്യക്തമാക്കി. ഓഡിറ്റ് റിപ്പോര്ട്ട് സ്വീകരിച്ച ശേഷം സംസാരിക്കുകയായിരുന്നു അദ്ദേഹം. പൊതുമുതല് സംരക്ഷിക്കുന്നതിനും സുതാര്യമായ പ്രവര്ത്തനം ഉറപ്പാക്കുന്നതിനുമുള്ള നിര്ദേശങ്ങള് അടിയന്തിരമായി പരിഗണിച്ച് നടപടി സ്വീകരിക്കും. ഹമദ് രാജാവ് നടപ്പിലാക്കിയ പരിഷ്കരണ പദ്ധതികളുടെ ഭാഗമായാണ് വിവിധ മന്ത്രാലയങ്ങളുടെയും അതോറിറ്റികളുടെയും സുതാര്യമായ പ്രവര്ത്തനം സാധ്യമാകുന്നതെന്ന് അദ്ദേഹം ചൂണ്ടിക്കാട്ടി.
പൊതുമുതൽ സംരക്ഷണം, ചെലവ് ചുരുക്കല് എന്നിവയുമായി ബന്ധപ്പെട്ട് കൃത്യമായ കര്മ പദ്ധതികള് സര്ക്കാര് തയാറാക്കിയിട്ടുണ്ട്. പൊതു ധനവിനിയോഗത്തിലെ വീഴ്ച സംബന്ധിച്ച് റിപ്പോര്ട്ടില് പരാമര്ശിച്ച വിഷയങ്ങള് ഗൗരവത്തോടെ കാണുകയും പരിഹാരമുണ്ടാക്കുകയും ചെയ്യും. നാഷനല് ഓഡിറ്റ് കോർട് ചെയര്മാന് ഹസന് ബിന് ഖലീഫ അല് ജലാഹിമ റിപ്പോര്ട്ട് കിരീടാവകാശിക്ക് കൈമാറി. ഉപപ്രധാനമന്ത്രിമാരായ ജവാദ് ബിന് സാലിം അല് ഉറയ്യദ്, ശൈഖ് ഖാലിദ് ബിന് അബ്ദുല്ല ആല് ഖലീഫ എന്നിവരും സാമ്പത്തിക-ധനകാര്യ മന്ത്രി ശൈഖ് സല്മാന് ബിന് ഖലീഫ ആല് ഖലീഫയും ചടങ്ങിൽ സന്നിഹിതരായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.