മനാമ: ബാഗിെൻറ ഹാൻറിലിനുള്ളിൽ ഒളിപ്പിച്ച് വിമാനത്താവളം വഴി ബഹ്റൈനിലേക്ക് മയക്കുഗുളികകൾ കടത്താൻ ശ്രമിച്ച ബംഗ്ലാദേശി യുവാവിന് അഞ്ചുവർഷം തടവുശിക്ഷ. ധാക്കയിൽ നിന്ന് ഏപ്രിൽ 20ന് വിമാനമിറങ്ങിയ 39കാരനാണ് 3,000ത്തിലധികം ഗുളികകൾ കടത്താൻ ശ്രമിച്ചത്. പ്രതി കുറ്റം നിഷേധിച്ചെങ്കിലും ഹൈക്രിമിനൽ കോടതി ശിക്ഷ വിധിച്ചു. 3,000 ദിനാർ പിഴയും അടക്കണം.ശിക്ഷ കാലാവധിക്കുശേഷം പ്രതിയെ നാടുകടത്തും. ലഗേജ് സ്കാൻ ചെയ്തപ്പോൾ ഉദ്യോഗസ്ഥർക്ക് സംശയം തോന്നുകയായിരുന്നു. ബാഗ് സുഹൃത്തിന് കൈമാറാനുള്ളതാണെന്നും ഇതിൽ മയക്കുഗുളികകൾ ഉള്ളതായി അറിയില്ലെന്നും യുവാവ് പറഞ്ഞിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.