മനാമ: ബഹ്റൈെൻറ പുരോഗതിയിൽ പ്രവാസികൾക്ക് നിർണായ പങ്കുണ്ടെന്ന് പാർലമെൻറ് അംഗം ഡോ. സൗസൻ മുഹമ്മദ് അബ് ദുറഹീം കമാൽ അഭിപ്രായപ്പെട്ടു. ഫ്രൻറ്സ് സോഷ്യൽ അസോസിയേഷൻ മനാമ ഏരിയ ‘കാലം തേടുന്ന മനുഷ്യൻ’ എന്ന തലക്കെട്ടിൽ നടത്തിയ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അവർ. സൽമാനിയ ഖാദിസിയ്യ ക്ലബ്ബിൽ നടന്ന പരിപാടിയിൽ കെ.എ. യൂസുഫ് ഉമരി മുഖ്യപ്രഭാഷണം നടത്തി .
മത വിശ്വാസവും ആരാധന^അനുഷ്ഠാനങ്ങളും വർധിക്കുമ്പോഴും സമകാലിക ലോകത്ത് നന്മയുള്ള മനുഷ്യർ കുറഞ്ഞുവരികയാണെന്ന് അദ്ദേഹം അഭിപ്രായപ്പെട്ടു. മത ചിഹ്നങ്ങൾ കാണുമ്പോൾ മനുഷ്യന് ഭയം കൂടുന്നു.
ഇന്ന് ഏറ്റവും കൂടുതൽ ജ്വലന ശേഷിയുള്ള ഇന്ധനമായി മതം മാറി. മതത്തിെൻറ അന്തഃ സത്ത മനസിലാക്കുന്നതോടൊപ്പം അതിെൻറ പേരിൽ സംഘർഷങ്ങൾ സൃഷ്ടിക്കുന്നവരെ തിരിച്ചറിയണം. മനുഷ്യനിൽ അന്തർലീനമായ പാപപ്രവണതകൾക്കെതിരെ പോരാടാൻ മതം സഹായിക്കും. സ്നേഹം, സമാധാനം, ദയ, നന്മ, സൗമ്യത, ആത്മനിയന്ത്രണം തുടങ്ങിയ സദ്ഗുണങ്ങൾ ശീലിക്കാനും മനുഷ്യരെ ആദരിക്കാനും മത ദർശനങ്ങൾ പഠിപ്പിക്കുന്നു. വികലമായ ധാരണകളാണ് വർഗീയതക്ക് വഴിയൊരുക്കുന്നതെന്നും അദ്ദേഹം കൂട്ടിച്ചേർത്തു. റിയ നൗഷാദ്, നജ്ദ റഫീഖ്, അമല് സുബൈര് എന്നിവര് ദേശീയ ഗാനാലാപനം നടത്തി.
പ്രസിഡൻറ് ജമാൽ നദ്വി ഇരിങ്ങൽ ആമുഖ ഭാഷണം നടത്തി. ഏരിയ സെക്രട്ടറി സജീർ കുറ്റ്യാടി സ്വാഗതവും ഏരിയ പ്രസിഡൻറ് എം. അബ്ബാസ് സമാപനവും നിർവഹിച്ചു. നസീം സബാഹ് ‘ഖുർ ആനിൽ നിന്നും’ അവതരിപ്പിച്ചു.സമ്മേളനത്തോടനുബന്ധിച്ച് നടത്തിയ മത്സരങ്ങളിലെ വിജയികൾക്ക് സമ്മാനം നൽകി. എം.എം. സുബൈർ, വി.പി.ഷൗക്കത്തലി, സാജിദ് നരിക്കുനി, ജമീല ഇബ്രാഹീം, ഹസീബ ഇർശാദ് , സക്കീന അബ്ബാസ് , ജമീല അബ്ദുറഹ്മാൻ, ജലീൽ അബ്ദുല്ല എന്നിവർ സമ്മാനങ്ങൾ വിതരണം ചെയ്തു. എ.എം.ഷാനവാസ് പരിപാടി നിയന്ത്രിച്ചു. നൗമൽ, ഗഫൂർ മൂക്കുതല, വി.പി.ഫാറൂഖ്, അലി അഷ്റഫ് , റഷീദ സുബൈർ, മെഹറ മൊയ്തീൻ, ഫസീല ഹാരിസ്, മുനീറ ലത്തീഫ്, ഷമീമ മൻസൂർ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.