മനാമ: പുതുവർഷ ദിനത്തിൽ കേരളത്തിൽ നടന്ന വനിത മതിലിനോട് അനുഭാവം പ്രകടിപ്പിച്ച് ബഹ്റൈൻ ‘പ്രതിഭ’ വനിത വേദിയു ടെ ആഭിമുഖ്യത്തിൽ ഐക്യദാർഢ്യ സമ്മേളനവും നവോത്ഥാന^ ചരിത്ര പ്രദർശനവും സംഘടിപ്പിച്ചു. പ്രദർശനം ‘പ്രതിഭ’ പ്രസിഡൻറ് മഹേഷ് ഉദ്ഘാടനം ചെയ്തു. ‘പ്രതിഭ’ ആസ്ഥാനത്തു നടന്ന ചടങ്ങിൽ വനിത വേദി അംഗങ്ങളും ‘പ്രതിഭ’ പ്രവർത്തകരും നവോത്ഥാന പ്രതിജ്ഞ എടുത്തു. ഷീബ രാജീവൻ പ്രതിജ്ഞ ചൊല്ലിക്കൊടുത്തു. ബിന്ദു റാം സ്വാഗതം പറഞ്ഞു. ചടങ്ങിൽ നിഷ സതീഷ് അധ്യക്ഷത വഹിച്ചു. പി.ശ്രീജിത്ത്, ഷെറീഫ് കോഴിക്കോട് എന്നിവർ സംസാരിച്ചു. ഷീജ വീരമണി, ശിവകീർത്തി രവീന്ദ്രൻ എന്നിവർ നേതൃത്വം നൽകി. ചരിത്ര പ്രദർശത്തിൽ 19ാം നൂറ്റാണ്ടിെൻറ ഒടുക്കം മുതൽ കേരപ്പിറവി വരെയുള്ള വിവിധ സംഭവങ്ങളും, നവോത്ഥാന നായകരുടെ ജീവിത വിവരണങ്ങളും ആണ് ഒരുക്കിയത്. തുടർന്ന് ‘നവോത്ഥാന വഴിയിലെ മാനവശേഷി വികസനം’ എന്ന വിഷയത്തിൽ ഡോ. ഗണേഷ് പ്രഭാഷണം നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.