മനാമ: കാല്‍നട യാത്രക്കാര്‍ക്കും ഷോപ്പിങിനത്തെുന്നവര്‍ക്കും പ്രത്യേക നടപ്പാതകള്‍ ഒരുക്കണമെന്ന് മനാമ ഓള്‍ഡ് സൂഖ് നവീകരണ കമ്മിറ്റി നിര്‍ദേശിച്ചു. കഴിഞ്ഞ ദിവസം ചേർന്ന യോഗത്തില്‍ ബഹ്റൈന്‍ ടൂറിസം ആൻറ് എക്സിബിഷന്‍ അതോറിറ്റി ചീഫ് എക്സിക്യൂട്ടിവ് ശൈഖ് ഖാലിദ് ബിന്‍ ഹമൂദ് ആല്‍ ഖലീഫ അധ്യക്ഷത വഹിച്ചു. നിലവിലുള്ള ചില റോഡുകള്‍ നടപ്പാതയായി മാറ്റണമെന്ന നിര്‍ദേശം യോഗത്തിലുയര്‍ന്നു. ചില റോഡുകള്‍ ഗതാഗത യോഗ്യമാക്കണമെന്നും നിര്‍ദേശിച്ചു. ഇൗ നിര്‍ദേശങ്ങള്‍ പൊതുമരാമത്ത്-മുനിസിപ്പൽ-നഗരാസൂത്രണ കാര്യ മന്ത്രാലയവുമായി സഹകരിച്ച് നടപ്പാക്കുന്നതിനുള്ള സാധ്യത ചര്‍ച്ച ചെയ്തു. ചില സ്ഥാപനങ്ങളുടെ മുന്‍ഭാഗവും ബോര്‍ഡുകളും മാറ്റണമെന്ന് വിവിധ വ്യാപാരികളോട് ആവശ്യപ്പെട്ടിട്ടുണ്ട്. ഇതിന് വരുന്ന ചെലവിെൻറ 50 ശതമാനം അതോറിറ്റി വഹിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.