മനാമ: ഇന്ത്യൻ സ്കൂൾ മെഗ ഫെയറിനോടനുബന്ധിച്ചുള്ള ഫുട്ബാൾ ചാമ്പ്യൻസ് കപ്പിന് അദാരിയിലെ ഇത്തിഹാദ് ഫുട്ബാൾ ഗ്രൗണ്ടിൽ തുടക്കമായി. മെഗ ഫെയർ ജനറൽ കൺവീനർ എസ്.ഇനയദുല്ല ഉദ്ഘാടനം ചെയ്തു. ഫെയർ പാട്രൺ മുഹമ്മദ് ഹുസൈൻ മാലിം കിക്കോഫ് നടത്തി. സ്കൂൾ കമ്മിറ്റി സെക്രട്ടറി സജി ആൻറണി സ്വാഗതം പറഞ്ഞു. എം.എൻ.രാജേഷ് നന്ദി രേഖപ്പെടുത്തി. സ്കൂൾ വൈസ് ചെയർമാൻ ജെയ്ഫർ മെയ്ദാനി, അസി.സെക്രട്ടറി എൻ.എസ്. പ്രേമലത, സജി ജോർജ്, സായ്കത് സർക്കാർ, സിസിൽ സോമൻ, അൻസൽ കൊച്ചുകുടി, സുനിൽ കെ.ചെറിയാൻ തുടങ്ങിയവർ സന്നിഹിതരായിരുന്നു. 12 ടീമുകളാണ് പെങ്കടുക്കുന്നത്. 18 ലീഗ് മത്സരങ്ങളിൽ ആറെണ്ണം പൂർത്തിയായി.
ആദ്യ മത്സരത്തിൽ യുവ കേരളയും മറീനയും സമനില പാലിച്ചു. രണ്ടാം മത്സരത്തിൽ ഷോ സ്റ്റോപ്പേഴ്സിനെതിരെ എഫ്.സി കേരള 2-0ത്തിന് വിജയം നേടി. മൂന്നാമത്തെ മത്സരത്തിൽ അൽ കേരളാവി ഒരു ഗോളിന് മാട്ടൂൽ എഫ് സിയെ തോൽപ്പിച്ചു. നാലാം മത്സരത്തിൽ മിഡ് ലാൻഡ് എഫ്.സി 2-0 ന് സാഗർ ഐ.എസ്.എഫ്.എഫ്. സിയെ തോൽപ്പിച്ചു . മറ്റൊരു മത്സരത്തിൽ കെ.എച്ച്. യുണൈറ്റഡ് എഫ്.സി 3 -1 ന് കെ.എം.സി. സിയെ തോൽപ്പിച്ചു . ആറാം മത്സരത്തിൽ സല്ലാഖ് എഫ്.സി 3 -2ന് സൂപ്പർ ഹീറോസ് എഫ്.സിയെ പരാജയപ്പെടുത്തി. അടുത്ത കളികൾ ജനുവരി 10, 11 തിയതികളിൽ നടക്കും. 17നാണ് ക്വാർട്ടർ ഫൈനൽ. സൈമി ഫൈനൽ, ഫൈനൽ മത്സരങ്ങൾ ജനുവരി 18നാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.