മനാമ: ബി.ജെ.പി ഭരണത്തിന് കീഴിൽ ഇന്ത്യൻ ന്യൂനപക്ഷ ജനത അരക്ഷിതാവസ്ഥയിലായതായി ശശിതരൂർ എം.പി പറഞ്ഞു. അതിനാൽ ഇന്ത് യയുടെ മൂല്ല്യം തിരിച്ചുപിടിക്കാനും രാജ്യത്തിെൻറ അഖണ്ഡതയെയും ആത്മാവിനെയും സംരക്ഷിക്കാനുള്ള പോരാട്ടത്ത ിലാണ് കോൺഗ്രസ് ഇപ്പോൾ. ഹിന്ദുരാജ്യം വേണമെന്നുള്ളവർക്ക് ബി.ജെ.പിക്ക് വോട്ട് ചെയ്യാം. എന്നാൽ എല്ലാ മതവിഭാഗങ്ങൾക്കും സമൂഹങ്ങൾക്കും തുല്ല്യത ആഗ്രഹിക്കുന്നവർക്ക് കോൺഗ്രസിനെ പിന്തുണക്കാം. സമാധാനവും സ്വൈര്യതയും വികസനവും ആണ് രാജ്യത്തിന് ആവശ്യം. ഇന്ത്യൻ ജനത വികസനം ആഗ്രഹിക്കുന്നു. വീടില്ലാത്തവർക്ക് തലചാച്ചുറങ്ങാൻ ഒരിടം വേണം.
അടിസ്ഥാന സൗകര്യങ്ങൾ വേണം. ഇത്തരം വിഷയങ്ങൾ നിറവേറ്റുന്നതിന് പകരം മതത്തെ പൊതുസമൂഹത്തിൽ ഉയർത്തിക്കാട്ടി വേർതിരിവുകൾ ഉണ്ടാക്കി നേട്ടം കൊയ്യാനുള്ള ശ്രമമാണ് ബി.ജെ.പി നടത്തുന്നത്. കോൺഗ്രസ് ഭരണം എന്നും രാജ്യത്തിെൻറ അതിരുകൾ സംരക്ഷിക്കാൻ മുഖ്യപരിഗണന നൽകിയിട്ടുണ്ടെന്നും ശശിതരൂർ വ്യക്തമാക്കി. കേരളത്തിെൻറ വികസനത്തിന് അടിക്കടിയുള്ള ഹർത്താലുകൾ തടസമാകുന്നുണ്ടെന്നും കേരളത്തിൽ വ്യാവസായിക പുരോഗതി ഉണ്ടാകാതിരിക്കാനും ഹർത്താൽ മുഖ്യതടസമാകുന്നുണ്ടെന്നും അദ്ദേഹം ചൂണ്ടിക്കാട്ടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.