മനാമ: ഏതു തരം പ്രശ്നങ്ങളെയും ഒന്നിച്ച് നേരിടാന് ബഹ്റൈന് ജനത ശക്തമാണെന്ന് പ്രധാന മന്ത്രി പ്രിന്സ് ഖലീഫ ബിന് സല്മാന് ആല് ഖലീഫ വ്യക്തമാക്കി. കഴിഞ്ഞ ദിവസം ഗുദെബിയ പാലസില് പൗരപ്രമുഖരെയും രാജ കുടുംബാംഗങ്ങളെയും സ്വീകരിച്ച് സംസാരിക്കുയായിരുന്നു അദ്ദേഹം. പ്രധാനമന്ത്രിയുടെ സഹോദരി ശൈഖ് ആഇശ ബിന്ത് സല്മാന് ആല് ഖലീഫയുടെ നിര്യാണത്തില് അനുശോചനം രേഖപ്പെടുത്തിയ സന്ദര്ശകര് അവരുടെ പരലോക മോക്ഷത്തിനായി പ്രാര്ഥിക്കുകയും ചെയ്തു.
സന്താപ സന്ദര്ഭങ്ങളില് പരസ്പരം വികാരങ്ങള് പങ്കുവെക്കുകയും ആശ്വാസം നല്കുകയും ചെയ്യുന്ന മാതൃക ഒറ്റ കുടുംബമാണെന്ന തോന്നലുണ്ടാക്കുന്നുവെന്നും അദ്ദേഹം ചൂണ്ടിക്കാട്ടി. പ്രശ്നങ്ങളെ അഭിമുഖീകരിക്കാനും പ്രതിസന്ധികളെ മറികടക്കാനും ഒന്നിച്ച് മുന്നോട്ടുനീങ്ങാന് സാധിക്കട്ടെയെന്നും അദ്ദേഹം ആശംസിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.